Gujarati News

Gujarati News

News of Saturday, 16th January 2021

મોરબી : ઓટો રીક્ષામાં નામ, સરનામું અને સંપર્ક નંબર સહિતની વિગતો ડ્રાઇવર સીટ પાછળ લખવી ફરજીયાત

મોરબી ,તા. ૧૬: રીક્ષામાં મુસાફરી કરતા નાગરીકો સાથે છેતરપીંડી, ખીસ્સા કાતરવા, મોબાઇલ ચોરી અન્ય કિમતી સામાનની ચોરી, ચીલઝડપ, લુંટ/ધાડ, મહિલા/બાળકોની છેડતી અને અપહરણ જેવા ગંભીર પ્રકારના બનાવો બનતા અટકાવવા, બનેલ બનાવને શોધી કાઢવા અને જાહેર જનતાની સલામતી જળવાઇ રહે તે માટે મોરબી જિલ્લા/શહેરની હદ વિસ્તારમાં ચાલતી તમામ ઓટો રીક્ષાઓમાં મુસાફરો સહેલાઇથી જોઇ શકે તે રીતે ચાલકની સીટની પાછળના ભાગે-રીક્ષાનો રજીસ્ટ્રેશન નંબર, વાહન ચાલકનું નામ સરનામુ, સંપર્ક નંબર ફરજીયાત લખવા અંગે જિલ્લા કલેકટરશ્રી જે.બી. પટેલ દ્વારા જાહેરનામુ બહાર પાડવામાં આવ્યું છે.

જાહેરનામા અનુસાર મોરબી જિલ્લા/શહેર વિસ્તારમાં ઓટો રીક્ષા ફેરવી ધંધો કરતા વાહન ચાલકે પોતાની રીક્ષામાં ડ્રાઇવરની શીટની પાછળના ભાગે પતરા અથવા એક્રેલીક (પ્લાસ્ટીક)ના સફેદ કલરના બોર્ડ ઉપર લાલ રંગની બોર્ડર અને લાલ કલરના અક્ષરોમાં વાહન નંબર, વાહન ચાલકનું નામ, સરનામુ, સંપર્ક નંબર તેમજ આપાતકાલીન સંપર્ક નંબર તેમજ મોરબી પોલીસ કંટ્રોલના નંબરો સ્પષ્ટ વાંચી શકાય તે રીતે ફરજીયાત લખવા જણાવવામાં આવ્યું છે.

આ હુકમના ભંગ કરનાર વિરુદ્ઘ ગુજરાત પોલીસ અધિનિયમ-૧૯૫૧ની કલમ ૧૩૧ હેઠળ શિક્ષા કરવામાં આવશે.  તેમ યાદીમાં જણાવાયું છે.

(9:56 am IST)
  • ' માનવ જબ જોર લગાતા હૈ ,પથ્થર પાની બન જાતા હૈ ' : વડાપ્રધાન શ્રી નરેન્દ્ર મોદીએ ટીકાકરણની શરૂઆત પ્રસંગે રાષ્ટ્રકવિ રામધારી સિંહ દિનકરની કવિતાની પંક્તિ ટાંકી : પ્રથમ તબક્કે 1 કરોડ હેલ્થ વર્કર ,તથા 2 કરોડ ફ્રન્ટલાઈન વર્કર્સને રસી અપાશે access_time 11:08 am IST

  • ' માનવ જબ જોર લગાતા હૈ ,પથ્થર પાની બન જાતા હૈ ' : વડાપ્રધાન શ્રી નરેન્દ્ર મોદીએ ટીકાકરણની શરૂઆત પ્રસંગે રાષ્ટ્રકવિ રામધારી સિંહ દિનકરની કવિતાની પંક્તિ ટાંકી : પ્રથમ તબક્કે 1 કરોડ હેલ્થ વર્કર ,તથા 2 કરોડ ફ્રન્ટલાઈન વર્કર્સને રસી અપાશે access_time 11:09 am IST

  • ૧૦૦ પૂર્વ સનદી અધિકારીઓના ગ્રુપે પીએમ કેર્સ ફંડની ટ્રાન્સપરન્સી સામે આંગળી ચીંધી દેશના સો જેટલા પૂર્વ આઇએએસ ઓફિસરોના ગ્રુપે વડાપ્રધાન નરેન્દ્રભાઇ મોદીને પત્ર પાઠવી પીએમ કેર્સ ફંડની પારદર્શિતા અંગે પ્રશ્ન ઉઠાવ્યા છે access_time 7:39 pm IST