Gujarati News

Gujarati News

News of Saturday, 16th January 2021

જેતપુરમાં કોરોના વેકસીનેશનનો કેબીનેટ મંત્રી રાદડીયા હસ્‍તે પ્રારંભ

(કેતન ઓઝા દ્વારા) જેતપુર,તા. ૧૬: વૈશ્વીક મહામારી કોરોના સામેની લડાઇમાં સ્‍વદેશી રસી કોવિશીલ્‍ડને મંજુરી અપાતા આજથી કેબીનેટ મંત્રી જયેશભાઇ રાદડીયાના હસ્‍તે શહેર તાલુકાના પ્રથમ કોરોના વોરીયર્સ તબીબી સ્‍ટાફ ૧૦૦ લોકોને રસીકરણ કરવાનો કાર્યક્રમ સરકારી હોસ્‍પિટલમાં પટાંગણમાં યોજાયો હતો.

કાર્યક્રમની શરૂઆત જયેશભાઇ રાદડીયાએ દિપ પ્રગટાવી કરેલ. પ્રાસંગોત ઉદબોધન કરતા જણાવેલ કે આ રસી આજે ડોકટર્સ શહેર -તાલુકાના તબીબી સ્‍ટાફને આપવામાં આવશે. ઉપરાંત તેમને પોતાની જીવની પરવાહ કર્યા વગર સમાજ સેવામાં સર્મપિત થનાર સફાઇ કર્મીઓ. પત્રકારો સહીતના તમામ લોકોની સેવાને બિરદાવી હતી.

આ પ્રસંગે જીલ્લા ભાજપ પ્રમુખ મનસુખભાઇ ખાચરીયાએ રસી કરણ વિશે વિસ્‍તૃત માહીતી આપતા જણાવેલ કે આ રસી બે તબક્કામાં આપવામાં આવશે. જે લોકોના મોબાઇલ ઉપર મેસેજ આવે તેમણે રસીકરણ કેન્‍દ્ર પર આપવાનું રહેશે. પ્રથમ ડોઝ બાદ બીજો ૩૦ દિવસ બાદ લેવાનો રહેશે. અને બીજા ડોઝના ૨ વીક પછી અસર શરૂ થશે.

વેકસીન આપ્‍યા બાદ ૩૦ મીનીટ સુધી તેને ઓબ્‍જેવેસનમાં રાખવામાં આવશે. કાર્યક્રમની શરૂઆત વડાપ્રધાન નરેન્‍દ્રભાઇ મોદીએ કર્યા બાદ શહેરના પ્રથમ ૩ કોરોના વોરીયર્સ ડો.એમ.એસ.અલી, ડો.કુલદીપભાઇ સાપરીયા, ડો.નીખીતાબેન પડીયાને આપવામાં આવેલ. આ પ્રસંગે પાલીકાપ્રમુખ કુસુમબેન સખરેલીયા દુધ ડેરી ચેરમેન, ગોરધનભાઇ ધામેલીયા, રમેશભાઇ જોગી, દિનકરભાઇ ગુંદારીયા, ડેપ્‍યુટી ડી.ડી.ઓ ગોહેલ, મામલતદાર કારીયા, તા. મામલતદાર ગીનીયા જેન્‍તીભાઇ રામોલીયા, પ્રશાંતભાઇ કોરાટ, સુરેશભાઇ સખરેલીયા સહિતના ઉપસ્‍થિત રહ્યા હતા. કાર્યક્રમનું સંચાલન નવનીતભાઇ સૈયાગરે કર્યું હતું.

(1:19 pm IST)
  • કોવિદ -19 કરતા પણ ભાજપ વધુ ખતરનાક છે : હિન્દૂ મુસ્લિમો વચ્ચે દંગા કરાવે છે : જો પશ્ચિમ બંગાળમાં ભાજપનું શાસન આવશે તો મુસલમાનોનું કાઉન્ટ ડાઉન શરૂ : ટી.એમ.સી.સાંસદ નુસરત જહાં access_time 6:36 pm IST

  • અયોધ્યામાં રામ મંદિર નિર્માણ માટે દાનનો ધોધ : ઉત્તરાખંડના રાજ્યપાલ બેબી રાની મૌર્યએ 1 લાખ 21 હજાર તથા મહારાષ્ટ્રના રાજ્યપાલ ભગતસિંહ કોશિયારીએ 1 લાખ 11 હજાર રૂપિયા આપ્યા : ઉત્તરાખંડના મુખ્યમંત્રી ત્રિવેન્દ્ર સિંહ રાવતે 1 લાખ 51 હજાર તથા ઉત્તર પ્રદેશના મુખ્યમંત્રી યોગી આદિત્યનાથે 2 લાખ રૂપિયાનું ડોનેશન આપ્યું : ઉત્તર પ્રદેશના રાયબરેલી જિલ્લાના તેજગામ ના પૂર્વ ધારાસભ્ય સુરેન્દ્ર બહાદુર સિંહએ 1 કરોડ , 11 લાખ ,11 હજાર ,111 રૂપિયા આપ્યા : ' જય શ્રી રામ " access_time 12:07 pm IST

  • ભાજપ સાંસદ સાધ્વી પ્રજ્ઞાએ પોતાને મળતા પગારમાંથી 1.11 લાખ રૂપિયા રામ મંદિર નિર્માણ માટે આપ્યા : ભારત ભક્તિ અખાડા તરફથી 11 લાખ રૂપિયાનું દાન આપ્યું : વિશ્વ હિન્દૂ પરિષદને ચેક આપતી વખતે મંદિર નિર્માણમાં તેઓના સહયોગને બિરદાવ્યું access_time 6:27 pm IST