Gujarati News

જામનગરના સુમરાચાલીમાં બે જુથો વચ્ચે શસ્ત્ર અથડામણ સર્જાતા ૪ લોકો ઇજાગ્રસ્ત થયા હતા. જેને સારવાર માટે જી.જી. હોસ્પિટલમાં ખસેડાયા હતા. (તસ્વીરો : કિંજલ કારસરીયા, જામનગર)

(મુકુંદ બદિયાણી દ્વારા) જામનગર, તા. ૧પ : જૂની અદાવતનો ખાર રાખી મારમાર્યાની સામ–સામી ફરીયાદ નોંધાઈ

 અહીં સીટી એ-  ડિવીઝન પોલીસ સ્ટેશનમાં બસીરભાઈ આમદભાઈ ખફી, ઉ.વ.૪ર, કિશાનચોક, સુમરાચાલી,  જામનગરવાળા એ ફરીયાદ નોંધાવી છે કે, તા.૧૪–૧૧–ર૦ર૧ ના ફરીયાદી બસરભાઈ તથા સાહેદ મુસ્તાક  કિશાન ચોક, ઉનની કંદોરી, સુમરાચાલી, જામનગરમાં ઉભા હોય તે દરમ્યાન આ કામના આરોપીઓ મુનાફ આમદ ખફી, આમદ દોસ્તમામદ ખફી, તોસીફ આમદ ખફી, ઝરીનાબેન આમદ ખફી, સફીનબેન ઓફ આમદભાઈ ખફી, રે. જામનગરવાળા ધારદાર તિક્ષ્ણ હથીયાર છરી, તલવાર, લાકડાના ધોકા સાથે આવી જેમા આરોપી મુનાફ આમદ ખફી પાસે છરી અને આમદ દોસ્તમામદ ખફી તથા તોસીફ આમદ ખફી પાસે તલવાર અને ઝરીનાબેન આમદ ખફી તથા સફીનબેન આમદ ખફી પાસે લાકડાના ધોકા હોય જે પૈકી આરોપી મુનાફ, આમદ, તોસીફ એ ફરીયાદી બસીરભાઈને જેમ ફાવે તેમ ગાળો આપી કહેલ કે તોસીફ રાત્રીના મોટરસાયકલ લઈને નીકળેલ ત્યારે તેની સાથે કેમ બોલાચાલી કરેલ હતી તેમ કહી આરોપી આમદ એ તલવાર વડે મારી નાખવાના ઈરાદે ફરીયાદી બસરીને માથાના ભાગે ઘા મારી ગંભીર ઈજા કરેલ આ દરમ્યાન સાહેદ આમદભાઈ પુંજા તથા સાહેદ કાસમભાઈ તથા સાહેદ વસીમભાઈ ફરીયાદી બસીરને છોડાવવા વચ્ચે પડતા આરોપી ઝરીનાબેન એ લાકડાના ધોકા વડે સાહેદોને શરીરે આડેધડ માર મારી ઈજા કરેલ તેમજ આરોપી આમદ એ તલવાર વડે સાહેલ આમદ પુંજાને માથાના ભાગે મારવા જતા સાહેદ આમદ પુંજા એ તલવાર હાથમા પકડી લેતા જમણા હાથમા ઈજા કરેલ તેમજ આરોપી મુનાફ એ છરી વડે સાહેદ કાસમભાઈને ડાબા હાથમા છરીનો ઘા મારી ઈજા કરેલ તેમજ આરોપી ઝરીનાબેન તથા સફીનબેન એ લાકડાના ધોકા વડે ફરીયાદી બસીરભાઈ તથા સાહેદોને શરીરે આડેધડ માર મારી ઈજા કરી જિલ્લા કલેકટરના હથીયારબંધી જાહેરનામાનો ભંગ કરી ગુનો કરેલ છે.

જામનગર : અહીં સીટી  એ-   ડિવીઝન પોલીસ સ્ટેશનમાં મુનાફ આમદભાઈ ખફી, ઉ.વ.૧૯, કિશાનચોક, સુમરાચાલી, જામનગરવાળા એ ફરીયાદ નોંધાવી છે કે, તા.૧૪–૧૧–ર૦ર૧ ના ફરીયાદી મુનાફભાઈના ભાઈ તોસીફ ગઈ તા.૧૩–૧૧–ર૧ ના રોજ રાત્રીના સમયે આરોપી આમદ પુંજાના ઘર પાસેથી મોટરસાયકલ લઈ નીકળેલ હોય તે બાબતે બોલાચાલી થયેલ હોય જે બાબતનો આરોપીઓએ ખાર રાખી આજરોજ બપોરના  સાડા બારેક વાગ્યે ફરીયાદી મુનાફભાઈ  કિશાન ચોક, ઉનની કંદોરી, સુમરાચાલી, જામનગરમાં ઉભો હોય ત્યારે આરોપીઓ આમદ પુંજા, વસીમ કાસમ ખફી, બસીર આમદ ખફી, કાસમ આમદ ખફી, મુસ્તાક હારૂન ખફી, અબ્દુલ કાદર હારૂન ખફી, સોહીલ કાસમ આમદ ખફી, ફૈઝલ આમદ ખફી, રે. જામનગરવાળા ધારદાર તક્ષ્ણિ હથીયાર તલવાર, લોખંડના પાઈપ, છરી, લાકડાના ધોકા સાથે રાખી જેમા આરોપી આમદ પુંજા પાસે તલવાર તેમજ આરોપી વસીમ કાસમ પાસે છરી અને બસીર આમદ પાસે છરી અને કાસમ આમદ ખફી પાસે છરી તથા મુસ્તાક હારૂન ખફી પાસે લોખંડના પાઈપ તેમજ આરોપી અબ્દુલ કાદર હારૂન પાસે લોખંડનો પાઈપ તેમજ આોરપી સોહીલ કાસમ આમદ અને ફૈઝલ આમદ ખફી પાસે લાકડના ધોકા હોય જે પૈકી આરોપી આમદ પુંજા તથા વસીમ કાસમ ખફી એ ભુંડા બોલી ગાળો આપી આરોપી વસીમ કાસમ ખફીએ ફરીયાદી મુનાફભાઈને મોઢા ઉપર ગાલ ઉપર તથા ગળાના ભાગે મારી નાખવાના ઈરાદે ગંભીર ઈજા કરેલ આરોપી બસીર આમદએ છરી વડેવાસામા તથા માથાના ભાગે ઘા મારી ગંભીર ઈજા કરેલ અને સાહેદ આમદભાઈ, ઝરીનાબેન તથા સફીનાબેનને ફરીયાદી મુનાફભાઈ ને છોડાવવા વચ્ચે આવતા આરોપી આમદ પુંજા એ તલવારનો ઘા સાહેદ આમદભાઈ ને માથાના ભાગે મારી ગંભીર ઈજા કરેલ તેમજ આરોપી મુસ્તાક હારૂન ખફી, અબ્દુલ કાદર હારૂન એ લોખંડના પાઈપ વડે સાહેદ ઝરીનાબેન તથા સફીનાબેનને આડેધડ શરીરે માર મારી મુંઢ ઈજા કરેલ તેમજ આરોપી કાસમ આમદ એ છરી વડે ફરીયાદ મુનાફભાઈને પેટના ભાગે ડાબી બાજુ ઘઘા મારી ઈજા કરેલ તેમજ આરોપી સોહીલ કાસમ આમદ અને ફૈઝલ આમદ ખફી એ લાકડના ધોકા વડે ફરીયાદી મુનાફભાઈને તથા સાહેદોને શરીરે આડેધડ માર મારી મુંઢ ઈજા કરેલ આરોપી મુસ્તાક હારૂન ખફી એ લોખંડના પાઈપ વડે સાહેદ ઝરીનાબેનને માથાના ભાગે મારી ઈજા કરી જિલ્લા કલેકટરના હથીયારબંધી જાહેરનામાનો ભંગ કરી ગુનો કરેલ છે.