Gujarati News

જુનાગઢ, તા. ૧પ : જુનાગઢના દોલતપરામાં ગુરૂકૃપા ટ્રેડર્સ નામની કરીયાણાની દુકાન ધરવાતા નટુભાઇ ભીખાભાઇ પાનસેરીયા-પટેલને ત્યાં ગઇકાલે બે અજાણ્યા શખ્સો ગ્રાહક બનીને આવેલા હતાં.

બંને ઇસમોએ વેપારીને કરીયાણાની વિવિધ ચીજવસ્તુનું લાંબુલચક લીસ્ટ આપી બાદમાં રૂ. ર૦૦૦ની નોટના છુટા માંગ્યા હતા.

આ સમયે વેપારી પાસે રૂ. પ૦૦ના દરની થોકડી ગણવાના બહાને લઇ અને નટુભાઇની નજર ચૂકવી રૂ. ૩પ હજારની રોકડ સેરવી લીધી હતી.

આ પછી બંને શખ્સો ફોન આવ્યો હોવાનું કહીને નાસી ગયા હતા. આ અંગે વેપારીએ ફરીયાદ કરતા એ-ડીવીઝન પોલીસે તપાસ હાથ ધરી હતી.