Gujarati News

ગોંડલ, તા. ૧૫ : શાસ્ત્રી દિપ્તેશજી અનંતપ્રસાદજી ભટ્ટના વ્યાસાસને ઋષિકેશ તીર્થ ક્ષેત્રમાં શ્રીમદ્દ ભાગવત સપ્તાહ જ્ઞાનયજ્ઞ તથા શ્રી મહાવિષ્ણુયાગનું આયોજન કરવામાં આવ્યું છે.

ભાગવત કથાનો પ્રારંભ તા.૧૬-૧૧ના થશે. તા.૨૩-૧૧ના વિરામ તથા તા.૨૪-૧૧ના વિષ્ણુયાગનો પ્રારંભ થશે અને તા.૨૬-૧૧ના વિરામ લેશે.

વકતા તથા આચાર્યપદે ગોંડલ - રાજકોટના જયોતિષ રત્ન - ભાગવતાચાર્ય શાસ્ત્રી દિપ્તેશજી અનંતપ્રસાદજી ભટ્ટ બિરાજીને હોટલ નારાયણ પેલેસ રિસોર્ટ, બદ્રીનાથ રોડ, તપોવન તેહરી ગઢવાલ ખાતે રસપાન કરાવશે.

ભાવિકોને લાભ લેવા લંડનના અમૃતભાઈ તથા નર્મદાબેન નકુમ પરિવારે આમંત્રણ પાઠવ્યુ છે.