Gujarati News

અમરેલીમાં સિંહોની સુરક્ષાને લઇને વન વિભાગની કામગીરી પર ફરી એક વખત સવાલો ઉઠી રહ્યા છે. વન વિભાગની બેદરકારીને કારણે ધારી ગીર પૂર્વના માણાવાવના ખેડૂતના કૂવામાં એકસાથે 3 સિંહ અને 1 સિંહણ ખાબક્યા હતા. જંગલ વિસ્તારમાં મારણ ન મળતા સિંહો ગામ તરફ આવી રહ્યા છે. ત્યારે આવી જ ઘટના ગત મોડી રાત્રે બની હતી.

માણાવાવ સુધી આવી ચડેલા સિંહો એક ખેડૂતના કુવામાં ખાબક્યા હતા. ખેતરના માલિકે વનવિભાગને જાણ કરી હતી. જે બાદ વન વિભાગે રેસ્ક્યુ હાથ ધરી તમામ સિંહોને સહીસલામત બહાર કાઢી તેમને જરૂરી સારવાર આપી હતી.