Gujarati News

Gujarati News

News of Saturday, 15th September 2018

સુરેન્દ્રનગરઃ સોનાપુર રોડ ઉપર આવેલા મહિલા-પુરૂષ શોૈચાલયોના બારણા ગાયબ

ગંદકીનું સામ્રાજય સાથે દારૂની બદીથી આસપાસના લોકો ત્રાહીમામ

સુરેન્દ્રનગરના સોનાપુર રોડ પર આવેલ મહિલા-પુરૂષોના શોૈચાલય ખંઢેર બની ગયા છે બારણા પણ તુટી ગયા છે જે તસ્વીરમાં નજરે પડે છે. (તસ્વીરઃ ફારૂક ચોૈહાણ)

વઢવાણ તા.૧૫:  સુરેન્દ્રનગર શહેરના સોનાપુર રોડ ઉપર આવેલા મહિલા અને પુરુષોના શોૈચાલયોમાં ગંદકીથી ખદબદતી રહયું છે. આ શોૈચાલયોમાં સદંતર સાફ સફાઇનો અભાવ હોવા અંગેની રજુઆત મહેતા મારકેટના વેપારી મિત્રો દ્વારા કરવામાં આવી રહી છે.

સુરેન્દ્રનગર શહેરમાં હટાણુ કરવા માટે આવતા બહારગામના વેપારીઓ અને સુરેન્દ્રનગર મહેતા માર્કેટમાં વ્યવસાય કરી રહેલા વેપારીઓ સુરેન્દ્રનગરના આ સોનાપુર રોડ ઉપર આવેલા શોૈચાલયમાં યુરીનિયલ અને શોૈચક્રિયા કરવા માટે જતા હોય છે.

ત્યારે આ સોનાપુર રોડ ઉપર આવેલા આ શોૈચાલયના હાલત બદતર બની ગઇ છે. આ શોૈચાલયમાં ખાળકુવા ઉભરાઇ રહયા છે. શોૈચાલયમાં ખાસ કરીને મહિલાઓના શોૈચાલયમાં બારણા ન હોવાના કારણે લુખ્ખા આવારા તત્વોનો ભય રહેલો છે. આ યુરીનીયલ શોૈચાલયમાં દારૂની ખાલી બોટલો દેશી દારૂની કોથળીઓ બહાર કચરાના ઢગલા-હોવાના કારણે વેપારીઓ આ પ્રશ્ને લઇને ત્રાહીમામ પોકારી ઉઠયા છે. જેન્સના ટોયલેટ આગળ વાહનો પણ ખડકલો કરવામાં આવે  છે. મહિલાઓના શોૈચાલય અસુરક્ષીત હોવાના કારણે અઘટીત ઘટના પણ કયારેક બની શકે તેવો ભય હાલ વેપારીઓ દ્વારા વ્યકત કરવામાં આવ્યો છે ત્યારે તાત્કાલીક અસરે નગર પાલિકા ધ્યાન આપી વ્યવસ્થિત કરાવવા લોક માંગ ઉઠવા પામેલ છે.(૧.૨)

(12:45 pm IST)
  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST

  • નવાઝ શરીફના પત્ની કુલસુમને 'સુપુર્દે ખાક' કરાયા :જનાજામાં હજારો લોકો સામેલ થયા: પાક.ના પૂર્વ વડા પ્રધાન નવાઝ શરીફનાં પત્ની કુલસુમનું મંગળવારે ગળાના કેન્સર સામે એક વર્ષ લાંબી લડાઈ બાદ લંડનમાં નિધન થયું હતું access_time 1:04 am IST

  • અમારી માંગણી ઉપર સરકારે કામ કર્યુ નથી : લાલજી પટેલનું નિવેદન access_time 12:12 am IST