Gujarati News

Gujarati News

News of Friday, 14th September 2018

વઢવાણ યુનિ.માં ૨.૭૫ લાખની ચોરીમાં ચોરોના પહેરવેશ પરથી તપાસનો ધમધમાટ

કોલ ડિટેઇલ તપાસી - કોલેજમાં શકમંદોના નિવેદનો લેવાશે

વઢવાણ તા. ૧૪ : અત્રેની સી.યુ.શાહ યુનિવર્સિટીને તસ્કરોએ નિશાન બનાવીને એકાઉન્ટ વિભાગમાં પીએચડી અને ટેબલેટની ફિના રૂ. ૨.૭૫ લાખ ભરેલી આખી તીજોરી સાથે ચોરીની ઘટના બનતા પોલીસમાં દોડધામ મચી હતી. આ બનાવમાં સીસીટીવી તોડી છતા કેમેરામાં કેદ થયેલા તસ્કરોનાં પહેરવેશ ઉપર પોલીસે તપાસ હાથધરી છે.

વઢવાણ-કોઠારીયા રોડ પરના સી.યુ.શાહ યુનિવર્સિટીનું બિલ્ડીંગના ટેકનિકલ ઇન્સ્ટીટયુટ ઓફ ડિપ્લોમાં સ્ટડીઝમાં બિલ્ડીંગના બારણા તોડી તસ્કરોએ અંદર પ્રવેશ કર્યો હતો. જયાં એકાઉન્ટ વિભાગમાં રાખેલી આખી તીજોરી ઉપાડીને બાજુનાં ખેતરમાં લઇ જઇને તોડી પીએસ.ડી.ના નવા એડિમિશન અને સરકાર દ્વારા ફાળવામાં આવતા ટેલબલેટ મેળવવા મટાટેની ફી સહિત રૂ. ૨.૭૫ લાખ રોકડાની ચોરી કરી પલાયન થઇ ગયા હતા. ચોરીના આ બનાવની મનીષકુમાર જયંતિલાલ શાહે પોલીસ ફરિયાદ નોંધાવી હતી.જેમાં સીસીટીવી કેમેરા તોડવા છતા કેટલાંક મહત્વના ગોઠવેલા સીસીટીવીમાં તસ્કરો કેદ થઇ ગયા હતા.

આ અંગે તપાસકર્તા પીએસઆઈ એચ.આર.જેઠ્ઠીએ જણાવ્યું કે, સીસી ટીવી કેમેરામાં ત્રણ જણાના ચહેરાઓ સ્પષ્ટ દેખાતા નથી. તેમ છતા ચોરી કરવા આવેલા લોકોનાં પહેરવેશના આધારે સહદેવસિંહ પરમાર, જગદીશભાઈ સિંધવ, મગનલાલ રાઠોડ સહિતના સ્ટાફની જુદી જુદી ટીમો બનાવી તપાસ હાથ ધરી છે. આ ઉપરાંતકોલેજની આજુબાજુ રહેલા મોબાઇલ ટાવરોથી કોલડિટેઇલની, કોલેજના લોકોના નિવેદનો તેમજ શકમંદોના પૂછપરછ, એફએસએલ, ફિન્ગરપ્રીન્ટ સહિતની ટીમો દ્વારા કાર્યવાહી ચાલુ છે.

(3:46 pm IST)
  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST

  • નરેન્દ્રભાઈના સ્વચ્છતા અભિયાનમાં અમિતાભ અને રતન ટાટા જોડાયાઃ 'સ્વચ્છતા હી સેવા' અભિયાનનો પ્રારંભ : આજથી ૨ ઓકટોબર સુધી સ્વચ્છતા માટે યોગદાન આપવા વડાપ્રધાનની અપીલ : ૩ લાખ બાળકોની જીંદગી બચી, ૪ વર્ષમાં ૯ કરોડ શૌચાલયો બન્યા access_time 3:19 pm IST

  • અમારી માંગણી ઉપર સરકારે કામ કર્યુ નથી : લાલજી પટેલનું નિવેદન access_time 12:12 am IST