Gujarati News

Gujarati News

News of Friday, 14th September 2018

માળીયા મીયાણાના રામશીંગપર માં વાડીએ સર્પે દંશ મારતા દેશાબેન ભુરીયાનું મોત

પીઠડીયામાં વાડીએ ઝેરી જનાવર કરડતા જમનાબેન નું મોત

રાજકોટ તા ૧૪ : માળીયા મીયાણાના રામશીંગપર પાસે વાડીએ સર્પે દંશ મારતા આદીવાસી મહિલાનું રાજકોટની હોસ્પિટલમાં સારવાર દરમયાન મોત નિપજયું છે.

મળતી વિગત મુજબ દાહોદના વતની અને છેલ્લા ઘણા સમયથી માળીયા મિયાણાના રામશીંગપરમાં મંજુલાબેન ચંદુભાઇની વાડીએ મજુરી કામ કરતા દેશાબેન ચનાભાઇ ભુરીયા (ઉ.વ.૩૫) ગઇકાલે વાડીએ મજુરી કામ કરતા હતા ત્યારે સર્પે દંશ મારતા ઝેરી અસર થતા તેને સારવાર માટે પ્રથમ મોરબી બાદ વધુ સારવાર માટે રાજકોટ સિવિલ હોસ્પિટલમાં ખસેડાયા હતા ત્યાં તેનું સારવાર દરમ્યાન મોત નિપજયું હતું આ અંગે માળીયા પોલીસે કાર્યવાહી કરી હતી.

પીઠડીયામાં ઝેરી જનાવર કરડતા મહિલાનું મોત

કાલાવડના પીઠડીયા-૩ માં ભાવેશભાઇ ગાંડુભાઇ કપુરસયાની વાડીએ રહેતા જમનાબેન નરેશભાઇ (ઉ.વ.૩૦) ગઇકાલે વાડીએ કામ કરતા હતા ત્યારે ઝેરી જનાવર કરડી જતા તેને સારવાર માટે રાજકોટ સિવિલ હોસ્પિટલમાં ખસેડાયા હતા ત્યાંતેનુંસારવાર દરમ્યાન મોત નિપજયું હતું આ અંગે કાલાવડ પોલીસે કાર્યવાહી કરી હતી. (૩.૫)

(12:18 pm IST)
  • સાવરકુંડલાના ઘોબા અને ભમોદરા માં ધોધમાર વરસાદ:અડધો ઇંચ વરસાદ ખાબકતા ઘોબા ની બજારો થઈ પાણી પાણી:ખેડૂતો માટે આશીર્વાદ સમાનનો વરસાદ:રસાદને કારણે ખેડૂતોમાં ખુશહાલી access_time 8:28 pm IST

  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST

  • કચ્છ ના ખાવડા સહિતના વિસ્તારોમાં 3.6 તિવ્રતાના ભૂકંપના આંચકા : ભૂકંપના કારણે અફરાતફરીનો માહોલ સર્જાયો : ખાવડાથી 25 કીમી દૂર ભૂકંપનું કેન્દ્રબિંદુ નોંધાયુ : તલાલા, બોટાદ, સુરેન્દ્રનગર, રાપર, દૂધઈમાં પણ હળવો ભૂકંપ અનુભવાયો access_time 1:36 am IST