Gujarati News

Gujarati News

News of Friday, 14th September 2018

કુંકાવાવમાં જાહેર માર્ગો ઉપર ગટરના પાણી ફરી વળતા લોકો ત્રાહીમામ

ભૂગર્ભ ગટર યોજનાના મેન્ટેનન્સના અભાવે ગામના વિસ્તારો તેમજ ઘનશ્યામનગરમાં રસ્તાઓ પર ગટરના પાણીથી લોકો ત્રાહીમામ પોકારી ગયા છે. પૂર્વ સરપંચ સ્વ. દલસુખભાઇએ વખતોવખત રજુઆતો કરી હતી. વર્તમાન સમયમાં સરપંચ સુભાષભાઇ ભગત વહેપારી મંડળના પ્રમુખ મનસુખભાઇ ગોંડલીયાએ પણ ઉચ્ચ અધિકારીઓને રજૂઆત કરેલ, પરંતુ ગોકળગાયની ગતિયે ચાલતું હોય તેમ યોગ્ય નિરાકરણ કરવામાં આવ્યું નથી.

ભૂગર્ભ ગટરને સાફ કરવા મશીનરી નથી જેના કારણે અન્ય જગ્યાએથી મશીનરી મંગાવવી પડે છે. ત્રીસ વર્ષ પહેલા જયારે પાકી ગટર વ્યવસ્થા ન હતી ત્યારે જેમ બજારમાં સરેડી બનાવી પાણીનો નિકાલ લોકો કરતા તેવી જ સ્થિતિ હાલ જોવા મળી રહી છે. કુંડી ઉભરાય રહી છે જનતા જુવે છે. સાફ કેમ કરવી તેનો વિકલ્પ મળતો નથી તો હાથે પાવડાથી ભૂગર્ભ ગટર સાફ થઇ શકે નહીં.

ર૦૧પના પુર પ્રલય તેમજ ભૂગર્ભ ગટરની માટી રોડ પર જ જામી જતા ઘર કરતા રોડ રસ્તાનું લેવલ ઉંચુ આવ્યું તેનું લેવલીંગ કરાવી રસ્તા નીચે ઉતારવામાં આવે તેવી માંગ ઉઠવા પામી છે. આવા સમયમાં વરસાદી પાણી પણ ઘર આંગણામાં ઘુસી જાય છે, જેથી વધુ કપરી પરિસ્થિતિનો સામનો નગરજનોને કરવો પડી રહ્રયહ્યો છે. તંત્ર દ્વારા લેવલીંગ કરી ભુગર્ભ ગટર યોજનામાં તોડી નાખેલા રોડ ફરી બનાવવામાં ચોક થઇ ગયેલ ભૂગર્ભ ગટર શરૂ કરવામાં આવે તેવી લોકમાંગ છે.

(12:11 pm IST)
  • ઉ.પ્ર.ના આઝમગઢમાં આંબેડકર પાર્કમાં આંબેડકરજીની મૂર્તિ સાથે ચેડાઃ તોડ ફોડઃ પોલીસ દ્વારા નરાધમોને ઝડપી લેવા પ્રયાસોઃ મૂર્તિ નવી મૂકવા તજવીજ હાથ ધરાઈ access_time 11:58 am IST

  • જામનગરમાં તારમામદ સોસાયટીમાં હુમલો કરીને લૂંટ :દસ શખ્સોએ ચાર યુવાનની કારને આંતરી કર્યો હુમલો:ત્રણ લાખની રોકડ અને એક સોનાના ચેઇનની લૂંટ:કારમાં તોડફોડ, ચારેય ઘાયલોને હોસ્પિટલ ખસેડાયા:પોલીસ ઘટના સ્થળ બાદ હોસ્પિટલ પહોંચી:જૂની અદાવતમાં માથાકૂટ થયાનું પ્રાથમિક તારણ : પોલીસ તપાસ શરૂ access_time 9:19 pm IST

  • એક દેશ એક ચૂંટણી થાય : અમિત શાહઃ ભાજપના રાષ્ટ્રીય અધ્યક્ષે કહ્યું એક દેશ એક ચૂંટણી થાય: જે સમર્થનમાં હતા તે હવે ફરી ગયાઃ દેશમાં લોકસભા - વિધાનસભા ચૂંટણી એક સાથે યોજાય : ચંદ્રશેખરે કેમ વધાર્યા ચૂંટણી ખર્ચ : તેલંગણામાં ભાજપ મજબૂતીથી લડશે access_time 3:18 pm IST