Gujarati News

રાજકોટ, તા.૧પ : કચ્છ અને સૌરાષ્ટ્રમાં છેલ્લા ચારેક દિ'થી ચોમાસુ જામી ગયું છે અને ઓછો-વધુ વરસાદ દરરોજ વરસી રહ્યો છે. ત્યારે આ લખાય છે ત્યારે સવારે ૧ર વાગ્યે સૌરાષ્ટ્ર-કચ્છમાં વરસાદ રોકાયેલો છે અને આજે સવારે નહિંવત વરસાદ નોંધાયો છે.

જયારે ગત ર૪ કલાકમાં જાફરાબાદમાં પોણા પાંચ ઇંચ, વંથલી-૪, વિસાવદર ૩ાા ઇંચ, જુનાગઢ-૩ ઇંચ, જામકલ્યાણપુરમાં સવા ત્રણ ઇંચ, બોટાદ ૪ ઇંચ વરસાદ પડયો છે. જયારે આજે સવારે ભાણવડ, ખાંભા, જાફરાબાદ, લાઠી, માંગરોળ, મેંદરડામાં ઝાપટા વરસી ગયા છે જે અહેવાલો નીચે મુજબ છે.

જામનગર તાલુકાના ફલ્લા ગામમાં આજે દિવસ દરમિયાન શ્રાવણના સરડવા રૂપી વરસાદ વરસ્યો હતો. અહીં આજે આખા દિવસનો પોણો ઇંચ વરસાદ નોંધાયો છે જે ખેતરમાં ઉભેલા પાકને ફાયદારૂપ છે.