Gujarati News

Gujarati News

News of Thursday, 15th August 2019

ગીર-સોમનાથના એભલવડ ગામમાં દીપડાએ હુમલો કરતાં આધેડ મહિલાનું મોત : લોકોમાં ફેલાયો ફફળાટ : અવારનવાર જંગલી પ્રાણિયો કરે છે હુમલા

ગીર-સોમનાથ: આજે સવારે ગીર પશ્ચિમ વિભાગ હેઠળ આવતી જામવાળા રેન્જમાં આવેલા એભલવડ ગામમાં દીપડાએ હુમલો કરતા 75-વર્ષની મહિલાનું મોત નિપજ્યું છે. આ વિસ્તાર ગીર વન્યપ્રાણી અભ્યારણ્ય નજીક આવેલો છે.

આ અભ્યારણ્યની આસપાસ વસતા લોકો પર અવાર-નવાર વન્યપ્રાણીઓ હુમલા કરે છે. વન વિભાગનાં સૂત્રોના જણાવ્યા અનુસાર, દીપડાએ સવારે છ વાગ્યાની આસપાસ જેનુભેન ખસીયા પર હુમલો કર્યો હતો. દીપડાના હુમલામાં મહિલાનું મોત નિપજ્યું હતું.


આ ઘટનાની જાણ થતા વન વિભાગ સ્થળ પર પહોંચી ગયું હતું અને દીપડાને પાંજરે પૂરવા માટે આસપાસ પાંજરા ગોઠવ્યા હતા. મે મહિનામાં જૂનાગઢ જિલ્લાનાં વિસાવદર તાલુકાના કાંગશિયા ગામમાં 52-વર્ષની મહિલા શારદાબેન વાવૈયા પર દીપડાએ હુમલો કર્યો હતો અને આ હુમલામાં તેમનું મોત નિપજ્યું હતું.

2016માં ગુજરાતમાં દીપડાની સંખ્યા ગણવામાં આવી હતી. આ સમયે1395 દીપડા નોંધાયા હતા. અભ્યારણ્યોની આસપાવ માણસો અને વન્યપ્રાણી વચ્ચેનાં ઘર્ષણનાં કિસ્સાઓ વધતા જાય છે અને લોકો જીવ ગુમાવે છે. વન્ય પ્રાણીઓની સંખ્યા પણ વધી રહી છે

(4:40 pm IST)
  • જામનગર જિલ્લામાં મેઘમહેર :ધ્રોલ પંથકમાં બપોરે જોરદાર 2 ઇંચ વરસાદ : access_time 5:11 pm IST

  • ભારતના 73 માં સ્વાતંત્ર્ય દિન નિમિત્તે ગૂગલે ડુગલ બનાવ્યું : કોપનહેગનમાં રહેતી ભારતીય કલાકાર શૈવાલિની કુમારએ બનાવેલા ડુગલમાં ભારતીય વસ્ત્રોના નમૂના, ભારતીય સંસ્કૃતિ દર્શાવતી તસવીરો, તેમજ શિક્ષા, કલા, શક્તિ અને કરુણાનું અદભુત નિદર્શન access_time 1:21 pm IST

  • રાત્રે ૮ વાગ્યે : મોડી રાત્રે લીમડી પાસે કાર-ટ્રક વચ્ચે ભયંકર અકસ્માત સર્જાયોઃ કાર ઉપર ટ્રક પડતા મોટરનો ભૂકકોઃ વિગતો મેળવાઇ રહી છે. access_time 8:39 pm IST