Gujarati News

Gujarati News

News of Saturday, 15th May 2021

'તોકતે' સામે કચ્છ સજજ : બંદરોએ ભય સૂચક સિગ્નલ, માછીમારો, અગરિયાઓને સલામત સ્થળે ખસેડવા તજવીજ

વાતાવરણમાં બદલાવ બફારા સાથે ગરમી વધી, હજી ૩૪ બોટ સાથે ૧૭૦ માછીમારો દરિયામાં, ૭ તાલુકાના ૧૨૩ કાંઠાળ ગામોને સાવધ રહેવા સૂચના

(વિનોદ ગાલા દ્વારા)ભુજ,તા. ૧૫:  સંભવિત 'તોકતેૅ' વાવાઝોડા ની આગાહી વચ્ચે અત્યારે કચ્છના વાતાવરણમાં બદલાવ વરતાઈ રહ્યો છે, બફારા સાથે ગરમી વધુ તીવ્ર બની છે. જિલ્લા તેમ જ તાલુકા કક્ષાએ તંત્ર સજજ થઇ ગયું છે. કંડલા, જખૌ બંદરે ભય સૂચક સિગ્નલ લગાડી દેવાયા છે.

 

તો, ખાસ કરીને માછીમારી કરતી બોટોને પરત કિનારે લાવવા તંત્ર સતત વ્યસ્ત છે. વાવાઝોડું કચ્છની કાંઠાળ પટીને સ્પર્શી પસાર થાય તેવી આગાહી વચ્ચે જો તે ફંટાય તો તેના સંભવિત નુકસાનથી બચવાની તૈયારીના ભાગ રૂપે તંત્ર તાલુકા કક્ષાએ પણ સજજ થઈ ગયું છે. અબડાસાના પ્રાંત અધિકારી પ્રવિણસિંહ જેતાવતે જખૌ બંદરની મુલાકાત લઈ માછીમારોના સ્થળાંતર માટેની સૂચના સાથે તૈયારીઓ અંગે રૂબરૂ ચર્ચા કરી હતી.

વાવાઝોડું કચ્છના ૭ તાલુકાઓ ભચાઉ, ગાંધીધામ, અંજાર, મુન્દ્રા, માંડવી, અબડાસા અને લખપતના દરિયાઈ વિસ્તારના ૧૨૩ જેટલા કાંઠાળ ગામોને અસર કરે તેવી સંભાવનાને પગલે આગોતરી તકેદારીના પગલાં ભરાઈ રહ્યા છે. અગરિયાઓને પણ સલામત સ્થળે ખસી જવા સૂચના આપી દેવાઈ છે.

(11:02 am IST)
  • કર્ણાટકમાં ૨૪ કલાકમાં ૪૧૬૬૪ નવા કેસ : કર્ણાટકમાં ૨૪ કલાકમાં ૪૧૬૬૪ નવા કેસ નોંધાયા, ૩૪૪૨૫ સાજા થયા અને ૩૪૯ મૃત્યુ થયા છે access_time 12:43 am IST

  • ૨૮મીએ સવારે જીએસટી કાઉન્સિલની બેઠક : ૨૮ મેના સવારે ૧૧ વાગે નાણામંત્રી નિર્મલા સીતારમણના અધ્યક્ષ સ્થાને ૪૩ મી જીએસટી કાઉન્સિલની બેઠક મળશે. access_time 3:22 pm IST

  • ટેનિસ : રફેલ નાડાલે પુરૂષ સિંગલ્સ સેમિ ફાઇનલમાં અમેરિકન રીલી ઓપેલ્કાને 6-4, 6-4થી હરાવીને ઇટાલિયન ઓપનની ફાઇનલમાં પોતાનું સ્થાન મેળવી લીધું છે. access_time 11:17 pm IST