Gujarati News

Gujarati News

News of Wednesday, 15th May 2019

ભાવનગરમાં ચોરીઓમાં સંડોવાયેલ ઘરમાં કામ કરતી કામવાળી બાઇને મુદ્દામાલ સાથે ઝડપી લેવાઇ

ભાવનગર, તા.૧પઃ ભાવનગર શહેર તથા જીલ્લામાં મિલ્કત સંબંધી ગુન્હાઓ બનતા અટકાવવા માટે તથા બનેલ ગુન્હાનો ભેદ ઉકેલી કાઢવા પોલીસ અધિક્ષક જયપાલસિંહ રાઠૌરઙ્ગ એ જીલ્લાના પોલીસ અધિકારીઓને સુચના આપેલ જે અનુસંધાને એસ.ઓ.જી. શાખાના પોલીસ ઇન્સ્પેકટર એસ.એન.બારોટ ના માર્ગદર્શન હેઠળ એસ.ઓ.જી. શાખાના પોલીસ કોન્સ. બાવકુદાન ગઢવીને મળેલ હકિકત આધારે સ્ત્રી આરોપી સોનલબેન મહેન્દ્રભાઇ પરમાર ઉ.વ.૨૫ રહેવાસી ઘોઘારોડ, શીતળામાના મંદિર પાછળ મૈત્રી સોસાયટી રાજુભા માસ્તરના મકાનમાં ભાડેથી ભાવનગરવાળીને સંતકંવરરામ ચોક, કાળાનાળા ભાવનગર ખાતેથી સોનાની ચેઇન-૧ કિ.રૂ. ૧૫૦૦૦/- તથા સોનાની વીટી નંગ-૨ કિ.રૂ.૩૦,૦૦૦/- ની મજકુર સ્ત્રી પાસેથી શકપડતી મિલ્કત ગણી કબ્જે કરવામાં આવેલ અને તેણીની અટકાયત કરવામાં આવેલ.

મજકુર સ્ત્રીની પુછપરછ હાથ ધરતા તેણીએ કબુલાત આપેલ હતી કે, તે હિલડ્રાઇવ વિસ્તારમાં મકાનોમાં ઘરકામ કરવા માટે જાય છે અને એક મકાનમાંથી આશરે ચારેક વર્ષ પહેલા સોનાની રૂદ્વાક્ષની માળા તથા એક ઘરમાંથી એકાદ વર્ષ પહેલા સોનાની ચેઇન, વીટીઓ, બ્રેસલેટ વિગેરે દાગીનાની ચોરી કરેલ હોવાની કબુલાત આપેલ હતી. જે બાબતે રેકર્ડ ઉપર ખરાઇ કરતા આ ચોરી બાબતે નિલમબાગ પોલીસ સ્ટેશનમાં ગુના રજીસ્ટર થયેલ છે. સ્ત્રી આરોપી વિરૂધ્ધ કાયદેસર કાર્યવાહી કરી નિલમબાગ પોલીસ સ્ટેશન ખાતે સોપી આપેલ છે.

આ કામગીરી એસ.ઓ.જી. શાખાના હેડ કોન્સ. હરેશભાઇ ઉલવા તથા જગદીશભાઇ મારૂ તથા મહિલા હેડ કોન્સ. મંછાબેન પરમાર તથા યોગીનભાઇ ધાંધલ્યા તથા હારીતસિંહ ચૌહાણ જોડાયા હતા.

(11:27 am IST)
  • કોલકતામાં ભાજપના અધ્યક્ષ અમિત શાહના રોડ શોમાં પક્ષના કેટલાક કાર્યકરોએ હનુમાનજીનું રૂપ ધારણ કરી સૌનું ધ્યાન ખેંચ્યું હતું. access_time 11:14 am IST

  • જમ્મુ કાશ્મીરના પૂંછ સેક્ટરમાં એલઓસી નજીક બ્લાસ્ટ ;એક આર્મી જવાન ઘાયલ access_time 1:22 am IST

  • અલાસ્કામાં બે વિમાનો દુર્ઘટનાગ્રસ્તઃ ૧૦ લોકો લાપતા : અમેરિકાના અલાસ્કામાં બે વિમાનો દુર્ઘટનાગ્રસ્ત થતાં ૧૦ લોકો લાપતા થયા છે : બે વિમાનમાં કુલ ૧૬ લોકો સવાર હતા : મીડીયા રિપોર્ટ અનુસાર દક્ષિણ પૂર્વ અલાસ્કાના કેટચિકાન નજીક અમેરીકી તટગાર્ડે બચાવ અભિયાન શરૂ કર્યુ છે access_time 1:12 pm IST