Gujarati News

Gujarati News

News of Thursday, 15th April 2021

મોરબીમાં કોરોના દર્દીઓ માટે જરૂરી સુવિધાઓ અંગે જિલ્લા પંચાયત પ્રમુખ - ઉપપ્રમુખની રજૂઆત

રાજ્યના મુખ્યમંત્રી અને નાયબ મુખ્યમંત્રીને પત્ર પાઠવીને રજૂઆત

(પ્રવિણ વ્યાસ દ્વારા) મોરબી તા. ૧૫ : કોરોના મહામારીને પગલે સ્થિતિ બેકાબુ બની ગઈ છે ત્યારે મોરબીમાં કોરોના દર્દીઓ માટે જરૂરી સુવિધાઓ પૂરી પાડવા જીલ્લા પંચાયત પ્રમુખ અને ઉપપ્રમુખે રજૂઆત કરી છે.

મોરબી જીલ્લા પંચાયત પ્રમુખ ચંદુલાલ શિહોરા અને ઉપપ્રમુખ જાનકીબેન જીજ્ઞેશભાઈ કૈલાએ રાજયના મુખ્યમંત્રી અને ઉપમુખ્યમંત્રીને રજૂઆત કરી જણાવ્યું છે કે મોરબી જીલ્લામાં કોરોના દર્દીઓ માટે સરકારી અને ખાનગી હોસ્પિટલમાં બેડ, ઓકસીજન અને રેમડીસીવર ઇન્જેકશનની અછત ઉભી થઇ છે જેથી દર્દીઓની હાલત કફોડી બની છે જેથી બેડ, ઓકસીજન અને રેમડીસીવર ઇન્જેકશનની વ્યવસ્થા કરી આપવા મોરબીની પ્રજા તરફથી મૌખીક અને ટેલીફોનીક અનેક રજૂઆત કરવામાં આવી છે જેથી તાત્કાલિક વ્યવસ્થા કરવામાં આવે તેવી માંગ કરી છે.

હાલમાં જે સ્થળે રેમડીસીવર ઇન્જેકશન ઉપલબ્ધ છે ત્યાં આરટીપીસીઆર પોઝીટીવ રીપોર્ટ આધાર ના હોય તો ઇન્જેકશન આપવામાં આવતા નથી અને દર્દીઓના સગા પરેશાન થાય છે જેથી આરટીપીસીઆર રીપોર્ટ ના હોય અને સીટી સ્કેન અથવા ડોકટરનું લખાણ હોય તેને માન્ય રાખી રેમડીસીવર ઇન્જેકશન આપવામાં આવે તેવી માંગ કરી છે.

(12:48 pm IST)
  • દિલ્હી કોમી તોફાનોના મામલામાં દિલ્હી કોર્ટે ઉમર ખાલિદને જામીન આપ્યા : જેલમાંથી છૂટયા બાદ તેને આરોગ્ય સેતુ એપ્લિકેશન પોતાના મોબાઈલમાં ઇન્સ્ટોલ કરવાનો કોર્ટે નિર્દેશ કર્યો : ખાલિદનું 24 ફેબ્રુઆરી, 2020 ના રોજ ચાંદ બાગ પુલિયા નજીક મુખ્ય કારવાલ નગર રોડ પર થયેલી હિંસા સંદર્ભે નોંધાયેલી એફઆઈઆરમાં નામ આપવામાં આવ્યું હતું. access_time 7:40 pm IST

  • દ્વારકાના વધુ બે ગામમાં સ્વૈચ્છિક લોકડાઉન જાહેર : બેરાજા અને બેહ ગામમાં લોકડાઉન જાહેર કરવામાં આવ્યું. સવારે ૮ થી ૨ વાગ્યા સુધી દુકાનો ખુલી રહેશે. બપોર બાદ દુકાનો બંધ રાખવાનો નિર્ણય કરાયો. એક પછી એક ગામો સ્વૈચ્છિક લોકડાઉન તરફ વળતા સ્વૈચ્છિક લોકડાઉનવાળા ગામોનો આંક ૧૭ પર પહોંચ્યો છે. access_time 5:53 pm IST

  • દેશમાં કોરોનાનો વ્યાપ વિકરાળ થતો જાય છે : છેલ્લા 24 કલાકમાં ભારતમાં ઓલટાઈમ રેકર્ડબ્રેક 2,16,669 નવા કોરોના વાયરસ કેસ નોંધાયા છે, જે અત્યાર સુધીમાં સૌથી વધુ એક દિવસીય વધારો છે અને આજે 1,173 નવા દુઃખદ મૃત્યુ દેશમાં નોંધાયા છે. access_time 12:02 am IST