Gujarati News

Gujarati News

News of Sunday, 15th April 2018

રાજુલામાં આંબેડકર જયંતિનાં ઉજવણીનાં કાર્યક્રમ દરમિયાન લોઠપુરનાં દલિત યુવાને કર્યો આપઘાત

રાજુલા : ગઇકાલે જયારે દલિત સમાજના મસીહા ડો. આંબેડકર જયંતિની ઉજવણી નિમિત્તે કાર્યક્રમો ચાલી રહ્યા હતા ત્યારે રાજુલા તાલુકાના લોઠપુર ગામના રહેવાસી અને રાજુલાના ફોટોગ્રાફીનું કામ કરતા દલિત યુવાને રાજુલામાં પોતાની ઓફીસમાં સમી સાંજે ૭ થી ૭-૪પ વચ્ચે લાઇટ ગઇ એ વખતે જ આત્મહત્યા કરી લેતા ચકચાર જાગી છે. પોલીસને મૃતક યુવાનની સુસાઇડ નોટ મળી છે પરંતુ આ સ્યુસાઇડ નોટમાં શું લખ્યું છે ? તે જાહેર કર્યુ નથી.

ચર્ચાઇ રહ્યું છે કે મૃતક યુવાન વ્યાજના વિષચક્રમાં ફસાયો હતો અને લુખ્ખા તત્વો દ્વારા ધમકી મળી હોય આત્મહત્યા કરી લીધી હશે. જો કે પોલીસે આ બાબતને હજુ કોઇ સમર્થન આપતી નથી.

(11:29 am IST)
  • પટનાના ગાંધી મેદાનમાં હજારો મુસ્લિમ બિરાદરો થયા ભેગા : બિહારની રાજધાની પટણાનાં ગાંધી મેદાનમાં ઈમારત શરિયા અને ઓલ ઈન્ડિયા મુસ્લિમ પર્સનલ લો બોર્ડ (એઆઈએમપીએલબી) એ સંયુક્ત રીતે ઇસ્લામ અને દેશને ભયમાં જાહેર કરતા રસ્તા પર ઉતરવાનું એલાન કર્યું છે. લાખો મુસ્લિમો આ રેલીમાં જોડાવા ગાંધી મેદાનમાં રવિવાર સુધી પહોંચવાની ધારણા છે. આ રેલીને 'દીન (ધર્મ) બચાઓ, દેશ બચાઓ' નામ આપવામાં આવ્યું છે. access_time 4:01 pm IST

  • વિશ્વહિન્દુ પરિષદ ના આંતરરાષ્ટ્રીય અધ્યક્ષ પદેથી પ્રવીણ તોગડીયા ચૂંટણીમાં હારી જતા રાજકોટમાં તેમના સમર્થકો નારાજ થયા છે. રાજકોટમાં તોગડીયાના અમુક સમાર્થકોએ નારાજ થઇ રાજીનામુ આપવાની ચિમકી ઉચ્ચારી છે. રાજકોટ મહાનગર પૂર્વવિભાગના પ્રમુખ જેન્તીભાઈ પટેલે રાજીનામું આપી દીધું છે. પ્રવીણ તોગડીયા વિના વીએચપીમાં કામ કરવું મુશ્કેલ છે તેવુ જયંતીભાઈ પટેલનું કહેવું છે. તમને જણાવી દઇએ કે, જયંતીભાઈ છેલ્લા 25 વર્ષ થી વીએચપી સાથે જોડાયેલા છે. ત્યાં જ અમદાવાદમાં ચુંટણી પરિણામ બાદ VHP કાર્યકરો નારાજ થઇ ગયા હતાં અને મોટી સંખ્યામાં કાર્યકરોએ દેખાવો કર્યા હતાં. access_time 12:42 am IST

  • સગીરાને લગ્નની લાલચ આપીને ભગાડી જનાર રવિ સગરને ભક્તિનગર પોલીસે ઝડપી લીધો access_time 8:48 pm IST