Gujarati News

Gujarati News

News of Sunday, 15th April 2018

રાજુલામાં આંબેડકર જયંતિનાં ઉજવણીનાં કાર્યક્રમ દરમિયાન લોઠપુરનાં દલિત યુવાને કર્યો આપઘાત

રાજુલા : ગઇકાલે જયારે દલિત સમાજના મસીહા ડો. આંબેડકર જયંતિની ઉજવણી નિમિત્તે કાર્યક્રમો ચાલી રહ્યા હતા ત્યારે રાજુલા તાલુકાના લોઠપુર ગામના રહેવાસી અને રાજુલાના ફોટોગ્રાફીનું કામ કરતા દલિત યુવાને રાજુલામાં પોતાની ઓફીસમાં સમી સાંજે ૭ થી ૭-૪પ વચ્ચે લાઇટ ગઇ એ વખતે જ આત્મહત્યા કરી લેતા ચકચાર જાગી છે. પોલીસને મૃતક યુવાનની સુસાઇડ નોટ મળી છે પરંતુ આ સ્યુસાઇડ નોટમાં શું લખ્યું છે ? તે જાહેર કર્યુ નથી.

ચર્ચાઇ રહ્યું છે કે મૃતક યુવાન વ્યાજના વિષચક્રમાં ફસાયો હતો અને લુખ્ખા તત્વો દ્વારા ધમકી મળી હોય આત્મહત્યા કરી લીધી હશે. જો કે પોલીસે આ બાબતને હજુ કોઇ સમર્થન આપતી નથી.

(11:29 am IST)
  • ભિલોડાના વાંકાનેરમાં અસામાજિક તત્વોનો આતંક :વાંકાનેર સ્ટેટના જાગીરદાર ધિરાજસિંહજીની પ્રતિમા ખંડિત કરાઈ :પ્રતિમા પર ટાયર સળગાવીને ભાલો અને તલવાર ચોરી ગયા : ગ્રામલોકો દ્વારા ભિલોડા પોલીસને જાણ કરાઈ access_time 7:04 pm IST

  • વિશ્વ હિંદુ પરિષદની થયેલી ચૂંટણી પછી હવે વીએચપીના કાર્યકારી અધ્યક્ષના પદ પરથી પ્રવિણ તોગડિયાની હકાલપટ્ટી કરવામાં આવી છે. આ પદ હવે પ્રવિણ તોગડિયાના બદલે આલોકકુમારની નિમણૂંક કરવામાં આવી છે. આલોકકુમાર યુપીના રહેવાસી છે અને વ્યવસાયે એડવોકેટ છે. હવે વીએચપીની બોડીનું વિસર્જન કરી દેવાયું છે અને ટૂંક સમયમાં નવી ટીમની જાહેરાત કરવામાં આવશે. આમ, વિશ્વ હિન્દુ પરિષદમાંથી પ્રવિણ તોગડિયાની હકાલપટ્ટી થતા રાજ્યભરમાં તેની ઊંડી અસર જોવા મળી રહી છે. ટપોટપ રાજીનામા પડવા લાગ્યા છે. ગુજરાતમાં 10થી વધુ જિલ્લાઓમાં રાજીનામાનો દોર શરૂ થયો છે. વિશ્વ હિન્દુ પરિષદ અને બજરંગ દળના કાર્યકરો રાજીનામા આપી રહ્યાં છે. આગામી દિવસોમાં વધુ રાજીનામા પડે તો નવાઈ નથી. access_time 12:43 am IST

  • પંજાબના બે વેપારીને કેટલાક અજાણ્યા શખ્સોએ ૧૦૦ કરોડથી વધુનો હવાલો અને તેનું કમિશન આપવાની લાલચ આપી હતી. લાલચના નામે અમદાવાદ આવેલા પંજાબના બલદેવસિંહ અને સુરેન્દ્ર કુમારનું અપહરણ નકલી પોલીસ બનીને કરવામાં આવ્યું હતું. અને ખંડણી માગવામાં આવી હતી. ત્યારે આ મામલે નવરંગપુરા પોલીસે ત્રણ આરોપીને ઝડપી પાડ્યા છે અને પોલીસે દર્શન ચાવડા, પુજન ખમાર અને કાર્તિક પટેલની ધરપરડ કરી છે. access_time 12:41 am IST