Gujarati News

Gujarati News

News of Friday, 15th March 2019

જૂનાગઢમાં દબાણ હટાવતા 10 જેટલા કોળી પરિવારો રસ્તા પર :ઉગ્ર આંદોલનની ચીમકી

એક મહિનાથી ઘર વિહોણા પરિવાર માટે કોઈ હકારાત્મક નિર્ણંય નહિ લેવાય તો ઉગ્ર આંદોલન છેડશે

જૂનાગઢઃ જૂનાગઢમાં દબાણ હટાવ કામગીરીથી ઘર વિહોણા બનેલા 10 જેટલા કોળી પરિવારો રસ્તા પર ઉતરી આવ્યા છે છેલ્લા એક મહિનાથી ઘર વિહોણા કોળી સમાજનું આંદોલન વધુ ઉગ્ર બને તેવી શક્યતાઓ છે. જૂનાગઢ મનપા દ્વારા વિકાસના કામોને લઈને દબાણ દૂર કરવામાં આવતા ઘણા વર્ષથી રહેતા 10 જેટલા પરિવારો રોડ પર આવી ગયા છે. જેને લઈને આ પરિવારો આંદોલન પર ઉતરી ગયા હતાં.

જૂનાગઢ મનપા દ્વારા શહેરમાં આવેલી જલારામ સોસાયટીના માર્ગ પર છેલ્લા ઘણા વર્ષથી અસ્થાયી નિવાસ્થાન બનાવીને રહેતા 10 જેટલા કોળી પરિવાર વિકાસના કામોને લઈને દબાણો દૂર કરવામાં આવતા આ પરિવારો રોડ પર આવી ગયા હતા. જેના વિરોધમાં તેઓ તેમના પરિવારો સાથે આંદોલન પર ઉતરી ગયા હતા. જેને આજે એક મહિનો વિતી ગયો છે, તેમ છતાં કોઈ હકારાત્મક નિર્ણય નહીં કરવામાં આવતા શુક્રવારે જૂનાગઢના કોળી સમાજના કાર્યકરોએ આંદોલન સ્થળની મુલાકાત કરીને વિસ્થાપિત પરિવારોના સમર્થનમાં આગળ આવ્યાં છે. આગામી સમયમાં જલદ આંદોલન કરવાની ચીમકી ઉચ્ચારી છે.

(12:34 am IST)
  • કોંગ્રેસની સ્ક્રીનીંગ કમીટીની બેઠક હવે ૧૭ માર્ચે મળશેઃ તારીખો ફરી access_time 11:26 am IST

  • ન્યૂઝીલેન્ડના આતંકી હુમલાને વખોડી કાઢતા વડાપ્રધાન શ્રી નરેન્દ્ર મોદી : આઘાતની લાગણી વ્યક્ત કરી : મૃતકોને શ્રદ્ધાંજલી આપી :આતંકવાદીઓને લોકશાહી શાષનમાં કોઈ સ્થાન ન હોવાનું જણાવ્યું access_time 8:28 pm IST

  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST