Gujarati News

Gujarati News

News of Friday, 15th March 2019

પોરબંદરના દરિયામાં ઝબકેલી શંકાસ્પદ બોટો માંગરોળ અને કચ્છની ફિશીંગ બોટ

કશું વાંધાજનક મળ્યું નહીં : તેલ સંશોધનના કામ ભાડે કરાયેલી બોટ હોવાની ચર્ચા : શંકાસ્પદ બોટ દેખાતા મરીન સીકયુરીટી હરકતમાં આવી ગયેલ

 પોરબંદર, તા. ૧પઃ ગઇકાલે પોરબંદરના દરિયામાં ર શંકાસ્પદ બોટ દેખાતા મરીન સીકયુરીટી હરકતમાં આવી ગયેલ અને પીછો કરીને બન્ને બોટ ઝડપી તપાસ કરતા માંગરોળની ''અક્ષયદીપ'' નામની અને દામોદરભાઇ ધનજીભાઇ ચામુડિયાની માલિકીની ફિશીંગ બોટ (જીજેના ૧૧ એમવી પ૧૬) તેમજ બીજી બોટ કચ્છના માંડવી મોટા સલાયાની અલ આરીજ (એમ.એન.વી. ર૧૭૩) હોવાનું ખૂલ્યું હતું. બન્ને ફિશીંગ બોટોમાંથી કશું વાંધાજનક મળી આવેલ નથી.

આ બન્ને બોટ દરિયામાં તેલ સંશોધનના કામ માટે ભાડે કરાયેલી હોવાની ચર્ચા થઇ રહી છે. ગઇકાલે બપોરે શંકાસ્પદ બોટ દેખાતા મરીન સીકયુરીટી દ્વારા પીછો કરેલ હતો. બન્ને બોટ માંગરોળના દરિયામાં થઇ મુંબઇ તરફ જઇ રહેલ હતી. ૪ કલાક સુધી બોટોને પીછો કરેલ હતું.

બન્ને બોટમાંથી કશું વાંધાજનક મળી ન આવતા  મરીન સીકયુરીટીએ હાશકારો અનુભવેલ છે. કચ્છની બોટમાં ૮ ખલાસીઓ મળી આવ્યા હતાં.

(3:54 pm IST)
  • કોંગ્રેસે નિરીક્ષકોની નિમણુંક કરી : જામનગરમાં ચંદ્રિકાબેન ચુડાસમા, માણાવદરમાં એમએફ બ્લોચ, ઉંઝામાં અશ્વિન કોટવાલ વગેરેની નિરીક્ષકો તરીકે કોંગ્રેસ દ્વારા નિમણુંક access_time 6:10 pm IST

  • સુરતના અમરોલીમાં ૮ વર્ષની બાળા ઉપર દુષ્કર્મ : સુરતના અમરોલીમાં ૮ વર્ષની બાળા ઉપર દુષ્કર્મ આચરવામાં આવતા ખળભળાટ મચી ગયો છે. બાળાને ગંભીર હાલતમાં હોસ્પિટલમાં ખસેડેલ છે. ૪ દિવસમાં શહેરમાં દુષ્કર્મની ૩ ઘટના બનતા દુષ્કર્મ આચરનારા સામે આક્રોશ ફેલાયો છે. access_time 3:33 pm IST

  • અરવલ્લીના ડુંગર ઉપર આગ લાગી : મોડાસાના વાંટડા ગામે ડુંગર પર જાળીઓમાં આગ લાગી : આગને કાબુમાં લેવા પ્રયાસો access_time 6:10 pm IST