Gujarati News

Gujarati News

News of Friday, 15th March 2019

ભાવનગરમાં ગ્રીનસીટી અંતર્ગત વૃક્ષોનો ટ્રી-ગાર્ડ સાથે કચ્ચરઘાણઃ ૩ વર્ષની મહેનત ઉપર પાણી ફરી વળ્યું

ભાવનગર તા.૧૫: ગ્રિનસીટી દ્વારા શહેરને હરિયાળુ બનાવવા છેલ્લા સાત વર્ષથી શહેરના જુદા જુદા વિસ્તારોમાં ટ્રી-ગાર્ડ સાથે વૃક્ષારોપણ કરવામાં આવ્યું છે. અત્યાર સુધીમાં આશરે ૭૦૦૦ જેટલા વૃક્ષોનું ગ્રિનસીટી દ્વારા વૃક્ષારોપણ કરવામાં આવ્યું છે. આ વૃક્ષો ઝડપથી મોટા થાય તે માટે ગ્રિનસીટીના દેવનભાઇ શેઠ પોતાની વ્યસ્તતા વચ્ચે પણ સમય કાઢીને વૃક્ષોને જાતે પાણી પાઇ રહ્યા છે. પાણી પાવા માટે ટેન્કરની પણ વ્યવસ્થા કરી છે.

પરંતુ દુઃખની વાત એ છે કે સરકાર દ્વારા અનેક જગ્યાએ ગેસની લાઇન, મોબાઇલ ટાવર માટેની લાઇન વિગેરે માટે ખાડા ખોદવામાં આવે છે. ત્યારે જે કોન્ટ્રાકટરને આનું કામ સોંપવામાં આવે છે તેમના દ્વારા ગ્રિનસીટીના ટ્રી-ગાર્ડ અને વૃક્ષોને પારાવાર નુકશાન કરવામાં આવી રહ્યું છે. હાલમાં જ એરપોર્ટ રોડ ઉપર પાણીની લાઇન માટે મોટી સાઇઝના ભારે વજનના પાઇપ એવી રીતે ઉતારવામાં આવ્યા છે કે જેનાથી ગ્રિનસીટીએ ૩ વર્ષની મહેનત કરીને મોટા કરેલા વૃક્ષોનો ટ્રી-ગાર્ડ સાથે કચ્ચરઘાણ વળી ગયો છે.

દેવેનભાઇ શેઠએ કોર્પોરેશનને અનેકવાર ધ્યાન દોર્યું હોવા છતાં કોઇ ગંભીર પગલા લેવામાં આવ્યા નથી. એક તરફ સરકાર જ પર્યાવરણ બચાવવા માટે મોટી મોટી જાહેરાત કરે છે અને બીજી તરફ એની જ બેદરકારીના કારણે અનેક મોટા થઇ ગયેલા વૃક્ષોનો નાશ થઇ રહયો છે. દેવેનભાઇ શેઠએ જણાવ્યું છે કે જો આ બાબતે સરકાર ગંભીર પગલા નહીં લ્યે તો ઉચ્ચ કક્ષાએ આની રજુઆત કરવામાં આવશે. અને લાગતા વળગતા વિરૂદ્ધ આની માટે ફરિયાદ કરવામાં આવશે.

(2:34 pm IST)
  • તળાજા તાલુકામાં સરઘસ કાઢવા પર પ્રતિબંધ :તળાજા તાલુકાના કેટલાંક ગામોમા તા.23 માર્ચ સુધી યોગ્ય સત્તાધિકારીની પૂર્વ મંજુરી સિવાય સરઘસો કાઢવા પર પ્રતિબંધ ફરમાવતા અધિક કલેકટર ઉમેશ વ્યાસ access_time 11:31 pm IST

  • ઓલ ઇન્ડિયા બાર એક્ઝામીનેશન XIII ( AIBE XIII )નું પરિણામ થયું જાહેર : પરિક્ષાર્થીઓ પોતાના પેપરની પુનઃ ચકાસણી માટે 15 થી 31 માર્ચ સુધીમાં રૂ. 200 ભરીને અરજી કરી શકશે : પરિણામ http://aibe13.allindiabarexamination.com/result.aspx વેબસાઈટ પર જોઈ શકાય છે access_time 9:50 pm IST

  • કોંગ્રેસ કેન્દ્રીય ચૂંટણી સમિતિએ લોકસભા ચૂંટણીની ત્રીજી યાદી પ્રસિદ્ધ કરી access_time 1:27 am IST