Gujarati News

Gujarati News

News of Friday, 15th March 2019

પોલીસે છબીલને ભચાઉ કોર્ટમાં રજુ કરી માંગ્યા ૧૪ દિ' ના રિમાન્ડ:મનીષા અને છબીલ જેલમાં મળ્યા હતા? છબીલના ૩ મોબાઈલ અમેરિકામાં ભૂલાયા?

(વિનોદ ગાલા દ્વારા bhuj )જેન્તી ભાનુશાલી હત્યા કેસના મુખ્ય સૂત્રધાર છબીલ પટેલની ધરપકડ કર્યા બાદ પોલીસ તેને સાથે લઈને આજે કચ્છ આવી પહોંચી હતી. અહીં ભચાઉની કોર્ટમાં છબીલને રજૂ કરીને પોલીસે તેના ૧૪ દિવસના રિમાન્ડ માંગ્યા છે. જોકે, રિમાન્ડ અરજીની સુનાવણી હવે હાથ ધરાશે. દરમ્યાન, સીટની પૂછપરછમાં એવી માહિતી બહાર આવી હતી કે, સુનિલ ભાનુશાલી દ્વારા કરાયેલ કેસ માં મનીષા ગોસ્વામી જ્યારે જેલમાં બંધ હતી ત્યારે છબીલ પટેલ તેને મળવા જેલમાં ગયા હતા. તો, અમેરિકા ના ન્યુજર્સી થી અમદાવાદ આવેલા છબીલ પટેલ પોતાના ત્રણ મોબાઈલ ફોન ત્યાં દીકરીને ઘેર અમેરિકા રાખી આવ્યા હોવાનું પણ પોલીસ તપાસમાં ખુલ્યું છે. જોકે, જેન્તી ભાનુશાલીની હત્યા કરાવ્યાની કબુલાત કરનાર છબીલને હત્યા માટે અન્ય રાજકીય નેતાએ મદદ કરી હોવાનું પણ ખુલ્યું છે. હવે આ નેતા કોણ છે? તે બધી વિગતો પોલીસ છબીલ પટેલના રિમાન્ડ દરમ્યાન મેળવશે. અત્યારે પ્રાથમિક પૂછપરછમાં છબીલ ઉપરાંત અન્ય બીજા રાજકીય આગેવાનની સંડોવણી ખુલ્લી હોવાની ચર્ચા છે. જોકે, છબીલ પટેલના મોબાઈલ ફોનમાં રહેલા પુરાવાઓ માટે હવે પોલીસ શું કરે છે? એ જોવું રહ્યું?

(1:28 pm IST)
  • કોંગ્રેસ કેન્દ્રીય ચૂંટણી સમિતિએ લોકસભા ચૂંટણીની ત્રીજી યાદી પ્રસિદ્ધ કરી access_time 1:27 am IST

  • શીલા દીક્ષિતે કહ્યું મારી ટિપ્પણીને તોડીમરોડીને રજુ કરાઈ :દિલ્હીના પૂર્વ મુખ્યમંત્રી શીલા દીક્ષિતે આતંકી અંગે મનમોહનસિંહ અને મોદીની તુલના કરતુ નિવેદન આપ્યું હતું :શીલા દીક્ષિતે કહ્યું કે હું જોઈ રહી છું કે મીડિયાનો એક હિસ્સો ઇન્ટરવ્યૂમાં કરાયેલ મારી ટિપ્પણી તોડી મરોડીને રજુ કરાઈ રહી છે access_time 1:29 am IST

  • કોંગ્રેસે નિરીક્ષકોની નિમણુંક કરી : જામનગરમાં ચંદ્રિકાબેન ચુડાસમા, માણાવદરમાં એમએફ બ્લોચ, ઉંઝામાં અશ્વિન કોટવાલ વગેરેની નિરીક્ષકો તરીકે કોંગ્રેસ દ્વારા નિમણુંક access_time 6:10 pm IST