Gujarati News

વઢવાણ તા ૧૫  :  લીંબડી રેલ્વે સ્ટેશન પર પશ્ચિમ રેલ્વેના જનરલ મેનેજર દ્વારા મુલાકાત લેવામાંઆવી હતી. લીંબડી ગ્રેઇન એન્ડ કરિયાણા મર્ચન્ટ એસોસિએશન તથા ઝેડસીસીઆઇ દ્વારા  રેલ્વે સ્ટેશન પર સુવિધા વધારવા અને ટ્રેનસ્ટોપજ સહિતની માંગ કરવામાં આવી હતી.

પશ્ચિમ રેલ્વેના જનરલ મેનેજર અનિલકુમાર ગુપ્તાએ લીંબડી રેલ્વે સ્ટેશનની શુભેચ્છા મુલાકાત લોધી હતી. સુરેન્દ્રનગર જિલ્લા ઝેડસીસીઆઇ અને લીંબડી ગ્રેઇન એન્ડ કિરાણા મર્ચન્ટ એસોસીએશન સહિત રેલ્વેવિભાગ અને શહેરીજનો એ જનરલ મેનેજરનું ઉષ્માભેર સ્વાગત કર્યુ હતું.

લીબડી રેલ્વે પ્લેટફોર્મની બંને સાઇડ ઉંચા કરવા, સ્ટેશજ બહાર શૈોચાલય વ્યવસ્થા કરવી, બાન્દ્રાખ્ભાવનગર ટ્રેનમાં લોકલ ડબ્બો વધારવો, ભાવનગર-ભુજ ટ્રેન સેવા શરૂ કરવી, ભાવનગર-ગાંધીનગર સહિત અન્ય ટ્રેનોનું પણ સ્ટોપેજ લીંબડી આપવું, સહિત માંગણીઓ કરવામાં આવી હતી.

સ્વાગત સમારંભમાં ઝાલાવાડ ચેમ્બર ઓફ કોમર્સ એન્ડ ઇન્ડસ્ટ્રીઝના ઉપપ્રમુખપુલીનભાઇ ત્રિવેદી, લીંબડી વેપારી મંડળ પ્રમુખ જાફરભાઇ કોઠીયા, પાર્થભાઇ સોની, બાબુભાઇ સોલંકી ઉપસ્થિત રહ્યા હતા.