Gujarati News

Gujarati News

News of Friday, 15th March 2019

સૌરાષ્ટ્ર-કચ્છમાં પવન સાથે સવારે ઠંડકનો અહેસાસ

રાજકોટ તા.૧૫: રાજકોટ સહિત સૌરાષ્ટ્ર -કચ્છમાં  છેલ્લા થોડા દિવસોથી મિશ્ર ઋતુનો માહોલ બરકરાર છે અને લોકોને દિવસ દરમિયાન શિયાળા અને ઉનાળાની  એક સાથે ડબલ ઋતુનો એકસાથે અનુભવ થાય છે.

રાજકોટ સહિત સૌરાષ્ટ્ર-કચ્છમાં આજે વહેલી સવારે પવનના સૂસવાટા-ફુંકાતા વાતાવરણમાં ઠંડકની અસર વધી હતી.

સાંજ પડતાની સાથે જ ઠંડકની અસર સાથે શિયાળા જેવી ઋતુનો અહેસાસ થાય છે અને લઘુતમ તાપમાનનો પારો ઉંચે ચડવા લાગે છે. જયારે સવારથી સાંજ સુધી આખો દિવસ બફારા સાથે ઉનાળાનો અનુભવ થવા લાગે છે.

જૂનાગઢ

જૂનાગઢમાં સવારના તાપમાનમાં ફરો ઘટાડો થયો છે.

ગઇકાલે જૂનાગઢનું લઘુતમ તાપમાન ૧૮.૪ ડિગ્રી રહયા બાદ આજે સવારે તાપમાન વધુ ઘટીને ૧૬.પ ડિગ્રી નોંધાયું હતું. જેના કારણે વહેલી સવારે ગુલાબી ઠંડી રહી હતી. સવારે વાતાવરણમાં ભેજનું પ્રમાણ ૪૨ ટકા રહયું હતું અને પવનની પ્રતિ કલાકની ઝડપ ૬.૧ કિ.મી.ની નોંધાઇ હતી.

જામનગર

જામનગરઃ શહેરનું હવામાન મહતમઃ ૨૯, લઘુતમઃ ૧૬.પ, ભેજઃ ૫૪ ટકા, પવનઃ ૬.૪ કિ.મી. પ્રતિ કલાક ઝડપી રહી  છે.

(12:05 pm IST)
  • કોંગ્રેસ અધ્યક્ષ રાહુલ ગાંધી 2 સીટ ઉપરથી લોકસભા ચૂંટણી લડશે તેવી ચર્ચા : અમેઠીમાં 3 ટર્મથી ચૂંટાઈ આવતા રાહુલ ગાંધી માટે બીજી સીટ દક્ષિણ ભારતમાંથી પસંદ થાય તેવી શક્યતા : મહારાષ્ટ્ર અથવા મધ્યપ્રદેશની સલામત ગણાતી સીટની પણ પસંદગી થઇ શકે તેવું જાણકારોનું મંતવ્ય access_time 8:14 pm IST

  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST

  • ન્યૂઝીલેન્ડના આતંકી હુમલાને વખોડી કાઢતા વડાપ્રધાન શ્રી નરેન્દ્ર મોદી : આઘાતની લાગણી વ્યક્ત કરી : મૃતકોને શ્રદ્ધાંજલી આપી :આતંકવાદીઓને લોકશાહી શાષનમાં કોઈ સ્થાન ન હોવાનું જણાવ્યું access_time 8:28 pm IST