Gujarati News

Gujarati News

News of Friday, 15th March 2019

ભુજના નારાણપરની ૩ સગીરાઓને ભગાડી ગયા બાદ જુના ફોટા વાયરલ કરનારા ૨ ઝડપાયા

ભુજ, તા.૧૫: કચ્છમાં વધી રહેલા લવજેહાદના કિસ્સાઓ ચિંતા તેમ જ અજંપો સર્જી રહ્યા છે. ભુજના નારાણપર ગામે ગત જુલાઈ ૨૦૧૮માં ત્રણ હિન્દુ સગીરાઓનું બદકામના ઇરાદે અપહરણ કરનાર બે મુસ્લિમ યુવાનો અલ્તાફ ફકીરમામદ પલેજા, અકબર ઇભલા જત વિરુદ્ઘ માનકુવા પોલીસમાં ફરિયાદ નોંધાઇ હતી.

આ કિસ્સામાં આ બન્ને યુવાનોને પકડીને તેમને ગ્રામજનોએ માર માર્યાની પ્રતિ ફરિયાદ પણ અલ્તાફ પલેજા દ્વારા નોંધાવાઈ હતી. દરમ્યાન આ ઘટના અંગે વેરભાવ દાખવીને 'નારાણપર ગામની છોકરી મુસ્લિમ છોકરા સાથે ભાગી ગઈ' એવા લખાણ સાથે બન્ને મુસ્લિમ યુવાનો અકબર ઇભલા જત અને અલ્તાફ ફકીરમામદ પલેજાએ ત્રણેય હિન્દુ સગીરાઓના ફોટા સાથેના ખોટા મેસેજ વ્હોટ્સએપ ઉપર વાયરલ કર્યા હતા.

 સોશ્યલ મીડિયામાં આવા ભડકાઉ ખોટા મેસેજ મોકલીને બે કોમો વિરુદ્ઘ કોમી વૈમનસ્ય ફેલાય તેવા આ કૃત્ય અંગે નારાણપર ગામમાં તંગદિલી સાથે ભારેલા અગ્નિ જેવી સ્થિતિ સર્જાતા ડીવાયએસપી જે. એન. પંચાલ અને માનકુવા પીઆઇ જે. જી. રાણા નારાણપર ગામે દોડી ગયા હતા.

અંતે બંને યુવાનો અલ્તાફ પલેજા, અકબર જત સામે આઇટી એકટ હેઠળ ફરિયાદ નોંધીને તેમની ધરપકડ કરી હતી. આ બનાવમાં છોકરીઓના જુના ફોટા વાયરલ કરાયા હતા. સગીર કન્યાઓ આવા કિસ્સાઓ પછી સાવધ બંને તેવી સલાહ જાગૃતો આપી રહયા છે.

(12:04 pm IST)
  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST

  • કાલે ભાજપની સેન્ટ્રલ ઇલેકશન કમીટીની બેઠક : દિલ્હી ભાજપ કાર્યાલય ખાતે સાંજે ૪ વાગે બેઠક મળશેઃ ૧૮ અને ૨૨ માર્ચે પણ ભાજપની સેન્ટ્રલ ઇલેકશન કમિટિની બેઠક મળશેઃ તમામ બેઠકમાં નરેન્દ્રભાઇ હાજર રહેશે access_time 3:33 pm IST

  • ઐતીહાસીક ઘટના : અમેરિકી રાષ્ટ્રપતિ ડોનાલ્ડ ટ્રમ્પે પોતાનો પ્રથમ વીટો જારી કર્યો છે : કોંગ્રેસને સરહદ દિવાલ ભંડોળ માટેના આપાતકાલીન ઘોષણાને સુરક્ષિત કરવા માટે કોંગ્રેસના નિર્ણયને ઉથલાવી દીધો છે. access_time 1:59 am IST