Gujarati News

Gujarati News

News of Friday, 15th March 2019

ધોરાજીના ગ્રામીણ વિસ્તારમાં આડેધડ ખોદકામ કરતા રજુઆત

ખોદકામથી પાણીની લાઇનો તૂટી-વૃક્ષોને પણ નુકશાન

ધોરાજી, તા.૧પઃ ધોરાજી તાલુકાના ગ્રામીણ વિસ્તારમાં આડેધડ ખોદકામ કરીને પીવાના પાણીની પાઈપલાઈન તથા વૂક્ષોને નુકશાન પહોંચાડવા મામલે નાયબ કલેકટરને રજૂઆત કરાઈ છે.

ધોરાજી તાલુકાના હડમતીયા સહિતના ગામોમાં કેબલ લાઈનો નાખવાની કામગીરી કરતાં કોન્ટકટરો દ્વારા ગ્રામીણ વિસ્તારની પીવાના પાણીની લાઈનો તથા વૂક્ષોને નુકશાન પહોંચાડતા ગ્રામજનોમાં રોષ ભભૂકી ઊઠ્યો છે. આ મામલે તાલુકાના ગ્રામીણ વિસ્તાર લોકોએ નાયબ કલેકટર કચેરીએ દોડી જઈને નાયબ કલેકટર મીયાણીને રજૂઆત કરાઈ હતી.

આ અંગે ધોરાજી તાલુકા પંચાયત પ્રમુખ નીતાબેન રસીકભાઈ ચાવડાએ ઉચ્ચ કક્ષાએ કરાયેલ રજૂઆતમાં જણાવ્યું છે કે ધોરાજી તાલુકાના ગ્રામીણ વિસ્તારમાં ખાનગી કપનીઓ દ્વારા કેબલ લાઈનો નાખવાની કામગીરી કરાઈ રહી છે. જેમાં કંપનીના કોન્ટ્રાકટરો દ્વારા આડેધડ ખોદકામ કરી પાણીની પાઈપ લાઈનો તથા વૂક્ષોને નૂકશાન પહોંચાડવામાં આવી રહેલ છે. આ કામો મામલે ગ્રામપંચાયતોની મજૂરી લેવાઈ નથી વૂક્ષોને નૂકશાન પહોચાડીને પર્યાવરણને હાની કરાઈ રહી છે. આ કામગીરી તાકીદે બંધ કરાવવા ઉચ્ચ કક્ષાએ રજૂઆત કરાઈ છે.

(11:57 am IST)
  • સુરતના અમરોલીમાં ૮ વર્ષની બાળા ઉપર દુષ્કર્મ : સુરતના અમરોલીમાં ૮ વર્ષની બાળા ઉપર દુષ્કર્મ આચરવામાં આવતા ખળભળાટ મચી ગયો છે. બાળાને ગંભીર હાલતમાં હોસ્પિટલમાં ખસેડેલ છે. ૪ દિવસમાં શહેરમાં દુષ્કર્મની ૩ ઘટના બનતા દુષ્કર્મ આચરનારા સામે આક્રોશ ફેલાયો છે. access_time 3:33 pm IST

  • કાલથી ગરમીમાં ઉછાળો આવશે : કાલથી ગરમીમાં ક્રમશઃ વધારો થતો જશે : સોમ-મંગળ તાપમાન ૩૬ ડિગ્રીને પાર કરી જશેઃ તા.૨૦-૨૧ ફરી આંશિક ઘટશે : તા.૧૬થી ૧૯મીના સાંજ સુધી ભેજનું પ્રમાણ ઓછુ રહેશે : વેધરએનાલીસ્ટ અશોકભાઈ પટેલની આગાહી access_time 3:51 pm IST

  • તળાજા તાલુકામાં સરઘસ કાઢવા પર પ્રતિબંધ :તળાજા તાલુકાના કેટલાંક ગામોમા તા.23 માર્ચ સુધી યોગ્ય સત્તાધિકારીની પૂર્વ મંજુરી સિવાય સરઘસો કાઢવા પર પ્રતિબંધ ફરમાવતા અધિક કલેકટર ઉમેશ વ્યાસ access_time 11:31 pm IST