Gujarati News

Gujarati News

News of Friday, 15th March 2019

ભાવનગરમાં પપ વર્ષના વડીલો માટે માવતરનો રમત મહોત્સવ : પ૦૦ સ્પર્ધકો જોડાશે

વિભાવરીબેન દવેની આગેવાનીમાં રવિવારે ભવ્ય આયોજન

ભાવનગર, તા. ૧પ : ગુજરાતમાં સૌ પ્રથમવાર ભાવનગર ખાતે 'માવતરનો રમત મહોત્સવ' યોજાશે. જેમાં પપ થી વધુ વર્ષના પ૦૦ યુવા વડીલો રમતના મેદાનમાં કૌવત બતાવશે. આ રમત  મહોત્સવ દરમ્યાન કેટલીક રમતના સ્ટાર ખેલાડી અને કલાકાર ણ હાજર રહેશે.

ભાવનગરમાં વિભાવરીબેન દવેની માવતર સંસ્થા દ્વારા ગરબા, હોળી સહિતના ઉત્સવ બાદ હવે માવતરના રમત મહોત્સવનું ભવ્ય આયોજન કરાયું છે. ભાવ.યુનિ.ના મેદાન ખાતે તા. ૧૭ માર્ચ ને રવિવારે સવારે ૯-૩૦ કલાકે માવતરના રમત મહોત્સવનું ઉદ્ઘાટન થશે. જેમાં ક્રિકેટ, દોડ, રસ્સાખેંચ, કેરમ, ટેબલ ટેનિસ, બેડમિંટની સહિતની ૧ર રમત રમાડવામાં આવશે.

આ રમતમાં પપ વર્ષથી વધુ વયના પ૦૦ ખેલાડીઓ ભાગ લેશે. ખેલાડીઓને ટી-શર્ટ, ટોપી આપવામાં આવશે.

આ અંગે માહિતી વિભાવરીબેન દવેએ જણાવ્યું હતું કે આ રમત મહોત્સવમાં હોકી ખેલાડી ધનરાજ પીલ્લાઇ સહિતની કેટલીક રમતના સ્ટાર ખેલાડીઓ હાજર રહેશે. ઉપરાંત તારક મહેતા કા ઉલ્ટા ચશ્મા ફેઇમ કલાકાર મયુર વંકાણી (સુંદર) પણ હાજર રહેશે.

રમત મહોત્સવના અંતે વિજેતા ખેલાડીઓને રનર્સઅપ ખેલાડીઓને ઇનામો આપી સન્માન કરવામાં આવશે. ગુજરાતમાં સૌ પ્રથમ વખત વડીલો માટે આવું ભવ્ય આયોજન થઇ રહ્યું છે.

(11:56 am IST)
  • સ્વાઇન ફલૂથી જુનાગઢ પંથકના વૃધ્ધાનું મોતઃ રાજકોટમાં કુલ મૃત્યુઆંક ૮૫ : શહેરની ખાનગી હોસ્પિટલમાં સ્વાઇન ફલૂથી વધુ એક દર્દીનું મોત નિપજ્યું છે. જુનાગઢ પંથકના ૬૦ વર્ષના વૃધ્ધાએ લેન્ડમાર્ક હોસ્પિટલમાં દમ તોડી દીધો છે. તેમનો રિપોર્ટ પોઝિટીવ હતો. આ સાથે કુલ મૃત્યુઆંક ૮૫ થયો છે access_time 3:32 pm IST

  • સુરતના અમરોલીમાં ૮ વર્ષની બાળા ઉપર દુષ્કર્મ : સુરતના અમરોલીમાં ૮ વર્ષની બાળા ઉપર દુષ્કર્મ આચરવામાં આવતા ખળભળાટ મચી ગયો છે. બાળાને ગંભીર હાલતમાં હોસ્પિટલમાં ખસેડેલ છે. ૪ દિવસમાં શહેરમાં દુષ્કર્મની ૩ ઘટના બનતા દુષ્કર્મ આચરનારા સામે આક્રોશ ફેલાયો છે. access_time 3:33 pm IST

  • કોંગ્રેસે નિરીક્ષકોની નિમણુંક કરી : જામનગરમાં ચંદ્રિકાબેન ચુડાસમા, માણાવદરમાં એમએફ બ્લોચ, ઉંઝામાં અશ્વિન કોટવાલ વગેરેની નિરીક્ષકો તરીકે કોંગ્રેસ દ્વારા નિમણુંક access_time 6:10 pm IST