Gujarati News

Gujarati News

News of Friday, 15th March 2019

માણાવદર પેટા ચૂંટણીમાં ૨,૩૮,૪૬૯ મતદારો

વિધાનસભાની પેટાચૂંટણી લોકસભાની ચૂંટણી સાથે યોજાશે : કલેકટર ડો. સૌરભ પારઘી

જૂનાગઢ તા.૧૫ : લોકસભાની ચુંટણીની સાથે જૂનાગઢ જિલ્લાની માણાવદર વિધાનસભાની પેટા ચુંટણી યોજવામાં આવશે. જૂનાગઢ જિલ્લા ચુંટણી અધિકારી સૌરભ પારધીએ જણાવ્યું હતું કે, માણાવદર  વિધાનસભાની પેટા ચુંટણી  તા.૨૩ એપ્રિલના યોજાશે. ચુંટણી અંગેનું જાહેરનામું તા.૨૮ માર્ચના યોજાશે. ઉમેદવારી ફોર્મ પરત ખેંચવાની તા. ૮ એપ્રિલ છે. ફોર્મની ચકાસણી તા.૫ એપ્રિલ તેમજ મતગણતરી તા. ૨૩ મે ના રોજ રહેશે. તેમની મત ગણતરી પોરબંદર ખાતે થશે.

   માણાવદર બેઠકમાં કુલ ૧૨૫૦૫૫ પુરૂષ અને ૧૧૩૪૧૪  સ્ત્રી મળી કુલ ૨૩૮૪૬૯ મતદારો નોંધાયા છે. કુલ બુથ જોઇએ તો શહેરી ૪૭ અને  ગ્રામ્ય ૨૩૯ તેમજ કુલ ૨૮૬ રહેશે. મતદાન મથક સ્થળની સંખ્યા ૧૯૭ રહેશે.મતદાર યાદીમાં શારીરિક રીતે અક્ષમ વ્યકિતઓ ૯૫૫ અને સહાયક તરીકે ૧૫૮ લોકો નોંધાયા છે. ઉમેદવારો માટે ખર્ચની મર્યાદા રૂ.૨૮ લાખ રાખવામાં આવેલ છે.

(11:55 am IST)
  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST

  • ઐતીહાસીક ઘટના : અમેરિકી રાષ્ટ્રપતિ ડોનાલ્ડ ટ્રમ્પે પોતાનો પ્રથમ વીટો જારી કર્યો છે : કોંગ્રેસને સરહદ દિવાલ ભંડોળ માટેના આપાતકાલીન ઘોષણાને સુરક્ષિત કરવા માટે કોંગ્રેસના નિર્ણયને ઉથલાવી દીધો છે. access_time 1:59 am IST

  • સુરતના અમરોલીમાં ૮ વર્ષની બાળા ઉપર દુષ્કર્મ : સુરતના અમરોલીમાં ૮ વર્ષની બાળા ઉપર દુષ્કર્મ આચરવામાં આવતા ખળભળાટ મચી ગયો છે. બાળાને ગંભીર હાલતમાં હોસ્પિટલમાં ખસેડેલ છે. ૪ દિવસમાં શહેરમાં દુષ્કર્મની ૩ ઘટના બનતા દુષ્કર્મ આચરનારા સામે આક્રોશ ફેલાયો છે. access_time 3:33 pm IST