Gujarati News

Gujarati News

News of Thursday, 15th February 2018

શનિવારે ખંભાળીયામાં સંસ્કાર એજ્યુકેશન ટ્રસ્ટની સ્કૂલ અને કોલેજ બિલ્ડીંગનું ઉદ્ઘાટન

ખંભાળીયા, તા. ૧૫ :. સંસ્કાર એજ્યુકેશન ટ્રસ્ટ એસ.એન.ડી.ટી. સ્કૂલમાં દાતાઓના સહયોગથી બનેલ બિલ્ડીંગનો ઉદઘાટન સમારોહ તા. ૧૭-૨-૧૮ના દિને યોજાયો છે.

શેઠ સુરેશભાઈ મુળજી દત્તાણી પરિવાર દ્વારા તેમના વડીલોની સ્મૃતિમાં બનાવાયેલ માતુશ્રી દમયંતિબેન મુળજીભાઈ દત્તાણી તથા શેઠ શ્રી મુળજીભાઈ ગોરધનદાસ દત્તાણી હાયર સેકન્ડરી સાયન્સ સ્કૂલ તથા રૂપાબેન સુરેશભાઈ દત્તાણી કોલેજ ઓફ એજ્યુકેશનના બિલ્ડીંગનું ઉદઘાટન અને ટ્રસ્ટને અર્પણ કરવાનો કાર્યક્રમ તા. ૧૭-૨-૧૮ના રોજ યોજાયો છે.

કાર્યક્રમના અધ્યક્ષ સ્થાને વૈષ્ણવાચાર્ય ૧૦૮ શ્રી વસંતબાવા મહોદય પોરબંદર રહેશે. જ્યારે મુખ્ય અતિથિ તરીકે સાંસદ પૂનમબેન માડમ અને અતિથિઓ તરીકે શ્રીમતિ નીલમબેન સુધીરભાઈ લાલ, યુસુફભાઈ મુછાળા, જિસસ સુધીરભાઈ લાલ, ડો. હસમુખભાઈ પડીયા, મનસુખભાઈ બારાઈ તથા દાતાઓ સુરેશભાઈ દત્તાણી, શ્રીમતિ રૂપાબેન દત્તાણી, મોરારજીભાઈ દત્તાણી તથા ગોરધનદાસ આણંદજી પરિવાર ઉપસ્થિત રહેશે તથા ટ્રસ્ટીઓ અરવિંદભાઈ બરછા, તુલસીભાઈ ગોકાણી, પ્રતાપભાઈ દત્તાણી વિ. ઉપસ્થિત રહેશે.

(11:18 am IST)
  • વડોદરામાં નકલી નોટોનું કૌભાંડ ઝડપાયું છે. અહીં રૂ. 2 હજારની નકલી નોટો છાપવામાં આવતી હતી અને ઇન્દોર અને વડોદરામાં નકલી નોટોનો કારોબાર ધમધમતો હતો. આ મામલે પોલીસે 2 શખ્સોની ધરપકડ કરી છે. નકલી નોટો સાથે પિસ્તોલ પણ જપ્ત કરવામાં આવી છે. access_time 3:28 pm IST

  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST

  • પાટણ કલેક્ટર ઓફિસમાં જ દલિત યુવાન ભડભડ સળગી ઉઠ્યો : વર્ષો બાદ પણ જમીન ન મળતા આત્મવિલોપનનો કર્યો પ્રયાસ : પાટણમાં પોલિસ - ફાયર બ્રિગેડની હાજરીમાં જ દલિત યુવકે આત્મવિલોપનનો કર્યો પ્રયાસ : લોકોમાં મચી ગઈ નાસભાગ access_time 4:17 pm IST