Gujarati News

Gujarati News

News of Wednesday, 14th February 2018

કેન્દ્ર અને રાજય સરકાર નગરજનોની સુખાકારી માટે માંગો તેટલી ગ્રાન્ટ આપવા તૈયારઃ મનસુખભાઇ માંડવીયા

ધ્રોલમાં ધનસુખભાઇ ભંડેરી, પ્રદિપભાઇ ખીમાણી, રાઘવજીભાઇ પટેલની ઉપસ્થિતિમાં ભાજપનું પેજ પ્રમુખોનું સંમેલન

ધ્રોલ તા.૧૪ : ધ્રોલ નગરપાલિકાની ચૂંટણીને હવે ગણતરીના દિવસો બાકી રહ્યા હોય ત્યારે ભારતીય જનતા પાર્ટી દ્વારા આ વખતે કોંગ્રેસને જળમુળથી ઉખેડીને ફેકી દેવા માટે કાર્યકર્તા દ્વારા ઘરે-ઘરે ફરીને પુરજોશમાં પ્રચાર કરી રહ્યા છે ત્યારે તાજેતરમાં જ કેન્દ્રીય મંત્રી મનસુખભાઇ માંડવીયા, જામનગર જીલ્લાના પ્રભારી મંત્રી ધનસુખભાઇ ભંડેરી, ગુજરાત નગરપાલિકાઓના કન્વીનર પ્રદિપભાઇ ખીમાણી દ્વારા ધામા નાખીને ભારતીય જનતા પાર્ટીના પેજ પ્રમુખોનું વિશાળ સંમેલન યોજતા બાજુમાં જ કોંગ્રેસના કાર્યાલયમાં સોપો પડી ગયો હતો. પાલિકામાં ભાજપનો ભગવો લહેરાશે તે નિશ્ચિત મનાઇ છે.

ધ્રોલ ખાતે નગરપાલિકાની ચૂંટણી અન્વયે કેન્દ્રીય મંત્રી મનસુખભાઇ માંડવીયાએ કાર્યકર્તાઓને સંબોધન કરતા જણાવ્યુ હતુ કે, રાજય અને કેન્દ્ર સરકાર દ્વારા નગરજનોની સુખાકારી માટે માંગો તેટલી ગ્રાન્ટ આપવા તૈયાર છે અને કોંગ્રેસને સત્તા સોપવાથી નગરજનોનું ભલુ નહી થાય તે સહિત ઉપર અને રાહુલ બાબા ઉપર આકરા પ્રહારો કર્યા હતા ઉપરાંત ધનસુખભાઇ ભંડેરી, પ્રદિપભાઇ ખીમાણી, ધ્રોલ નગરપાલિકાના ચૂંટણી ઇન્ચાર્જ રાઘવજીભાઇ પટેલ, મેઘજીભાઇ ચાવડા વગેરે ભારતીય જનતા પાર્ટીના પેજ પ્રમુખોના વિશાળ સંમેલનમાં પ્રવચન આપીને ધ્રોલમાંથી કોંગ્રેસના ભ્રષ્ટાચારયુકત શાસનથી ત્રસ્ત નગરજનોને મુકત કરવા માટે કાર્યકરોને હાકલ કરી હતી.

આ વિશાળ સંમેલનમાં ભારતીય જનતા પાર્ટીના ૭૦૦ જેટલા કાર્યકરો હાજરી આપતા કોંગ્રેસની છાવણીમાં સોપો પડી ગયો છે. સંમેલનમાં ધ્રોલ શહેર ભાજપ પ્રમુખ મગનભાઇ ભોજાણી, ધ્રોલ તાલુકા ભાજપ પ્રમુખ રાજભા જાડેજા, માર્કેટીંગયાર્ડના ચેરમેન રસીકભાઇ ભંડેરી, નરેન્દ્રસિંહ ચુડાસમા સહિત ભાજપના આગેવાનો હાજરી આપીને કાર્યક્રમ સફળ બનાવ્યો હતો અને સંચાલન યુવા નેતા હિતેશ ભોજાણીએ કર્યુ હતુ.(૩-૧)

 

(10:35 am IST)
  • કેનેડાના વડા પ્રધાન ટ્રુડો ૧૭મીથી ભારતની ચાર દિવસ યાત્રા પર : ટ્રુડો સરકાર ખાલીસ્તાનીઓ પ્રત્યે કુણું વલણ ધરાવતી હોવાનો આક્ષેપ access_time 4:11 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST

  • વડોદરામાં નકલી નોટોનું કૌભાંડ ઝડપાયું છે. અહીં રૂ. 2 હજારની નકલી નોટો છાપવામાં આવતી હતી અને ઇન્દોર અને વડોદરામાં નકલી નોટોનો કારોબાર ધમધમતો હતો. આ મામલે પોલીસે 2 શખ્સોની ધરપકડ કરી છે. નકલી નોટો સાથે પિસ્તોલ પણ જપ્ત કરવામાં આવી છે. access_time 3:28 pm IST