Gujarati News

જસદણ, તા. ૧૫ :જસદણ વિધાનસભા મહિલા કોંગ્રેસ દ્વારા પ્રદેશ મહિલા કોંગ્રેસના મંત્રી નિરૂબેન રાઠોડની આગેવાની હેઠળ જસદણ ખાતે અરવલ્લી જીલ્લાના મોડાસા તાલુકાના સાપરા ગામની દલીત સમાજની દિકરી કાજલબેન રાઠોડ સાથે સામુહિક બળાત્કાર કરી રગામના વડ ના ઝાડ ઉપર ગળે ફાંસો આપી શૈતાનીભર્યુ અમાનુષી દુષ્કૃત્ય આચરી હત્યા કરનારાઓને વહેલીતકે ફાંસી આપવાની માંગ સાથે પ્રાંત અધિકારીઙ્ગ પ્રિયંકકુમાર ગલચરને આવેદન પત્ર આપવામાં આવ્યુ હતુ

આવેદનપત્રમાં જણાવ્યાં અનુસાર સમગ્ર દેશમાં મહિલાઓ સાથે બળાત્કાર કરી બેરેહમી અને કૃરતા પૂર્વક હત્યા કરવાના કિસ્સાઓ દિન પ્રતિદિન વધી રહ્યા છે મહિલાઓ હાલના સમયમાં ભયના માહોલ વચ્ચે જીંદગી જીવી રહી છે ત્યારે બેટી બચાવો ના બણગા ફૂંકનાર સરકાર મહિલા સુરક્ષા ના નામે સદંતર નિષ્ફળ નિવડી છે માટે સરકારે સમગ્ર દેશની મહિલાઓને સ્વ રક્ષણ કરવા માટે હથિયાર ના ઉપયોગ છૂટ આપવા આક્રોષ પૂર્વક નિરૂબેન રાઠોડે માંગણી કરી હતી. કોંગ્રેસના પૂર્વ ઉપપ્રમુખ ગજેન્દ્રભાઈ રામાણી જસદણ તાલુકા પંચાયતના પ્રમુખ છગનભાઈ વોરા જસદણ વિધાનસભા સોશિયલ મીડિયા ડીપાર્ટમેન્ટના કોર્ડીનેટર મેહુલભાઈ સંદ્યવી તાલુકા કોર્ડીનેટર ભાવેશભાઈ ઠુંમર જીલ્લા કોંગ્રેસ ઉપપ્રમુખ ધીરૂભાઈ છાયાણી જયેશભાઈ મયાત્રા જસદણ શહેર યુથ કોંગ્રેસ પ્રમુખ મોહસીનભાઈ મુલતાની જસદણ નગરપાલિકા વિપક્ષી નેતા હરેશભાઈ ધાધલ સદસ્ય આરતીબેન અંબાણી રફિકભાઈ રાવાણી સલીમભાઈ શેખ મહેશભાઈ રવિયા રવિભાઈ જીવાણી શોભનાબેન ગળીયા જયોત્સનાબેન રાઠોડ શમીમબેન શેખ ગીતાબેન રાઠોડ બંશીબેન ગળીયા સહિતના આગેવાનો બહોળી સંખ્યામાં ઉપસ્થિત રહ્યા હતા.