Gujarati News

Gujarati News

News of Wednesday, 15th January 2020

ભચાઉઃ નર્મદા કેનાલમાં ડૂબતા ગોવાળને બચાવવા ગાયો ભાંભરતી રહી પણ મદદ મોડી મળતાં મોત

ભુજ,તા.૧૫: પશુઓનો માનવી તરફનો લગાવ અને વફાદારી અનન્ય હોય છે. ભચાઉમાં પટેલ બોર્ડિંગની ગાયોને પાળતા ગોવાળ સાથે બનેલી દુર્દ્યટનામાં ગાયોએ દર્શાવેલ લાગણી એ લોકોની આંખ ભીની કરી દીધી હતી.

અહીં ગાયોને ચરાવવા લઈ જતા ગોવાળ ગગુ ભૂરા રબારી (ઉ.૪૦) બોર્ડિંગ પાછળ આવેલ નર્મદા કેનાલમાં પાણીનું ઢમણું ભરી રહ્યો હતો. બદનસીબે ગોવાળ ગગુ રબારીનો પગ લપસી જતાં તે કેનાલમાં ડૂબવા લાગ્યો હતો. પોતાના પાલક એવા ગોવાળને પાણીમાં ડૂબતો જોઈને ગાયો જોર જોરથી ભાંભરવા લાગી હતી.

એક સાથે ગાયોનો ભાંભરવાનો અવાજ સાંભળી અન્ય લોકો દોડી આવ્યા હતા. પણ, તે દરમ્યાન મોડું થઈ જતાં સમયસર મદદના અભાવે ગોવાળ ગગુ રબારીનું ડૂબી જવાથી મોત નીપજયું હતું. દરમ્યાન દ્યટના સ્થળે ભચાઉ ફાયર ફાઇટર ટીમ, ૧૦૮ એમ્બ્યુલન્સ પહોંચી આવી હતી. દ્યટના સ્થળે આવેલા લોકોની આંખો ગાયોની લાગણી નિહાળી ભીની થઇ ગઇ હતી.

(11:54 am IST)
  • આજ 15 જાન્યુઆરીના રોજ 72 મો વાર્ષિક " આર્મી ડે " : સૌપ્રથમવાર આર્મી પરેડનું નેતૃત્વ મહિલા કેપ્ટ્ન તાન્યા શેરગિલ કરશે : 26 જાન્યુઆરીના રોજ ગણતંત્ર દિન નિમિતે પણ આર્મી પરેડનું નેતૃત્વ તાન્યાના શિરે access_time 12:37 pm IST

  • ભાવનગરના બોરતળાવ પોલીસ સ્ટેશનમાં ફરજ બજાવતા અને વિધાનગર પોલીસ લાઈનમાં રહેતા પોલીસ હેડ કોન્સ્ટેબલ આહીર ભીમભાઇ દેસાઈ એ ગળા ફાસો ખાઈ આપઘાત કર્યો access_time 11:11 pm IST

  • કેરલમાંથી બે ત્રાસવાદી ઝડપાયાઃ કર્ણાટકના ગૃહમંત્રી બાસવરાજા બોમાઈએ જાહેર કર્યું છે કે કેરળમાં થી ૨ શંકાસ્પદ ત્રાસવાદીઓ ઝડપાયા છે. તેમણે કહ્યું કે આ બંનેને ઉડુપી રેલવે સ્ટેશન થી પકડી લેવામાં આવ્યા છે. વિગતો મેળવાઇ રહી છે. access_time 11:51 am IST