Gujarati News

Gujarati News

News of Wednesday, 15th January 2020

વારંવારના ઝઘડાથી કંટાળી દંપતિનો આપઘાત

પત્નીએ ગળાફાંસો ખાધો, પતિએ ટીકડા ખાધા : માળીયાના ચુલડી ગામે અરેરાટી : મકરસંક્રાંતિએ જ મોતને મીઠું કર્યું

 જૂનાગઢ તા. ૧૫ : વારંવારના ઝઘડાથી કંટાળીને માળીયાહાટીના ચુલડી ગામના દંપતિએ મકરસંક્રાંતિ પર્વે જ આપઘાત કરી લેતા અરેરાટી વ્યાપી ગઇ હતી.

જેમાં પત્નીએ ગળાફાંસો અને પતિએ ઝેરી ટીકડા ખાયને મોતને મીઠું કરી લીધું હતું.

જુનાગઢ જિલ્લાના માળીયાહાટીના તાલુકાના ચુલડી ગામે વણકરવાસમાં રહેતા દિલીપભાઇ પુંજાભાઇ રાઠોડ (ઉ.વ.૪૫) અને તેના પત્ની મીનાબેન (ઉ.વ.૪૦)ને અવાર-નવાર ઝઘડા થતા હતા.

વારંવારના ઝઘડાથી કંટાળી જઇ ગઇકાલે મકરસંક્રાંતની રાતના ૯.૩૦ના અરસામાં મીનાબેને પોતાના ઘરે ગળાફાંસો ખાયને આત્મહત્યા કરી લીધી હતી.

પત્ની પાછળ પતિ દિલીપભાઇએ પણ ઝેરી દવાના ટીકડા ખાયને આપઘાત કરી લીધો હતો. આમ ઉત્તરાયણના પર્વે જ દંપતિએ આપઘાત કરી લેતા નાના એવા ચુલડી ગામમાં અરેરાટી સાથે ગમગીની પ્રસરી ગઇ હતી.

મૃતક દિલીપભાઇ મજુરી કામ કરીને પરિવારનું ગુજરાન ચલાવતા હતા.

આ અંગેની જાણ થતાં માળીયાના પી.એસ.આઇ. એચ.વી.રાઠોડે સ્ટાફ સાથે દોડી જઇને બંનેના મૃતદેહને પોસ્ટમોર્ટમ માટે મોકલી આપીને ધોરણસરની કાર્યવાહી કરી આગળની તપાસ હાથ ધરી હતી.

(11:09 am IST)
  • આજ 15 જાન્યુઆરીના રોજ 72 મો વાર્ષિક " આર્મી ડે " : સૌપ્રથમવાર આર્મી પરેડનું નેતૃત્વ મહિલા કેપ્ટ્ન તાન્યા શેરગિલ કરશે : 26 જાન્યુઆરીના રોજ ગણતંત્ર દિન નિમિતે પણ આર્મી પરેડનું નેતૃત્વ તાન્યાના શિરે access_time 12:37 pm IST

  • છપાક જોવા પહોંચી લક્ષ્મી અગ્રવાલની પુત્રી : દીપિકાએ કહ્યું કેટલીક ફિલ્મો દિલથી કરાઈ છે : એસિડ એટેકની પીડિતા લક્ષ્મી અગ્રવાલની સંઘર્ષની કથાનક દર્શાવતી ફિલ્મ છપાક જોવા લક્ષ્મી અગ્રવાલની દીકરી પિહુ પહોંચી હતી :પિહુ અને દીપિકાએ ફિલ્મના એક ખાસ શો દરમિયાન ખુબ મસ્તી કરી હતી access_time 12:34 am IST

  • અલીગઢ મુસ્લિમ યુનિવર્સિટી વિદ્યાર્થીઓના છાત્રાલયો માં પ્રવેશ કરવા માટે યુપી પોલીસ વિરુદ્ધ એફઆઈઆર નોંધાવવા નું નક્કી કર્યું છે. પોલીસે યુનિવર્સિટીમાં પ્રવેશ કરીને તેમને અપાયેલા આદેશનું ઉલ્લંઘન કર્યું છે : અલીગઢ મુસ્લિમ યુનિ.ના વા.ચાન્સેલરની જાહેરાત access_time 10:12 pm IST