Gujarati News

Gujarati News

News of Wednesday, 15th January 2020

ટંકારાના ગજડી ગામ નજીક સાબુ કારખાનાથી ફેલાતું પ્રદુષણ : પ્રદુષણ બોર્ડ અને મામલતદારને કરી ફરિયાદ

 

ટંકારા તાલુકાના ગજડી ગામ પાસે સાબુના કારખાના દ્વારા પ્રદુષિત પાણીનો નિકાલ કરીને પ્રદુષણ ફેલાવતા હોવાની લેખિત ફરિયાદ પ્રદુષણ નિયંત્રણ બોર્ડ અને ટંકારા મામલતદારને કરવામાં આવી છે

ટંકારાના ગજડી ગામના રહેવાસી પ્રાગજીભાઈ મનુભાઈ ડાંગરે પ્રદુષણ નિયંત્રણ બોર્ડ અને મામલતદારને પાઠવેલ લેખિત આવેદનમાં જણાવ્યું છે કે ગજડી ગામે ખેતી કરીને ગુજરાન ચલાવે છે તેની ખેતીની જમીન આવેલી છે જે વાડી ઘુનડા (ખા) થી નેસડા રોડ પર આવેલ છે વાડીની બાજુના ખરાબમાં સાબુ બનાવવાનું કારખાનું છે તેનું પ્રદુષિત પાણી ખરાબામાં ઠાલવતા હોય છે

જેથી વાડીએ આવેલ કુવામાં પાણી ખરાબ થાય છે અને વાડીની જમીન ફળદ્રુપતા ઓછી થવાનો ભય છે કારખાનું ચાલુ હોય ત્યારે તેમાંથી પ્રદુષિત ધુમાડો નીકળતો હોય છે જે પ્રદુષિત ધુમાડાથી પાકને નુકશાન પહોંચે છે જેથી પ્રદુષણ મામલે યોગ્ય કરવામાં આવે અને ખેડૂતને થતું નુકશાન અટકાવવા યોગ્ય પગલા ભરવાની માંગ કરી છે

(9:47 pm IST)
  • અમદાવાદમાં ૪ શખ્સો પિસ્તોલ સાથે ઝડપાયા : અમદાવાદ ક્રાઇમબ્રાંચનું સફળ ઓપરેશનઃ ગુજસીટોક કાયદા હેઠળ પ્રથમ કેસ નોંધાયોઃ મેઘાણીનગર વિસ્તારમાંથી ચાર શખ્શો ઝડપાયાઃ કુખ્યાત વિશાલ ગોસ્વામી ગેંગના સાગરીતો પર સંકજો access_time 4:07 pm IST

  • અલીગઢ મુસ્લિમ યુનિવર્સિટી વિદ્યાર્થીઓના છાત્રાલયો માં પ્રવેશ કરવા માટે યુપી પોલીસ વિરુદ્ધ એફઆઈઆર નોંધાવવા નું નક્કી કર્યું છે. પોલીસે યુનિવર્સિટીમાં પ્રવેશ કરીને તેમને અપાયેલા આદેશનું ઉલ્લંઘન કર્યું છે : અલીગઢ મુસ્લિમ યુનિ.ના વા.ચાન્સેલરની જાહેરાત access_time 10:12 pm IST

  • પ્રકાશ જાવડેકરે આપ્યો નારો : દેશ બદલ્યો છે હવે દિલ્હી બદલો : કેન્દ્રીય મંત્રી પ્રકાશ જાવડેકરની ઉપસ્થિતિમાં દિલ્હી પ્રદેશ ભાજપ કાર્યાલયે આમ આદમી પાર્ટીના ડઝનો કાર્યકરો ભાજપમાં જોડાયા : ભાજપનો કેસરિયો ખેસ પહેરીને પાર્ટીનું સભ્યપદ ગ્રહણ કર્યું હતું access_time 12:37 am IST