Gujarati News

Gujarati News

News of Monday, 13th January 2020

પત્નીના હત્યારા કેદી પતિએ ગાંધીધામથી રાજકોટ જેલમાં ખસેડવાની ચિંતામાં ફીનાઇલ પીધું

ભુજ,તા.૧૩: વર્ષ ૨૦૧૫ દરમ્યાન પોતાની પત્નીની કારમાં હત્યા કરીને સળગાવી દેનાર ગાંધીધામના યુવાન પતિ કપિલ નંદવાણીને ગત ૧ જાન્યુઆરીએ કોર્ટે આજીવન કેદની સજા ફટકારી હતી. તેને પગલે કપિલને ગાંધીધામમાં આવેલ ગળપાદર જેલ હવાલે કરાયો હતો. જેલવાસ દરમ્યાન આગામી અઠવાડિયે કપિલને રાજકોટ જેલમાં ટ્રાન્સફર કરવાનો હુકમ થયો હતો. ગળપાદર જેલમાં કેદીને અપાતી કામગીરી અંતર્ગત લાયબ્રેરીમાં કામ કરી રહેલા કપિલ નંદવાણીએ અન્ય કેદીઓની નજર ચૂકાવી ત્યાં કબાટમાં રહેલ ફીનાઇલ પી લીધું હતું. જેને કારણે તેને સારવાર માટે ભુજની જીકે જનરલ હોસ્પિટલમાં ખસેડાયો હતો. કેદી કપિલે પોતાની જેલ ટ્રાન્સફરની ચિતાને કારણે ફીનાઇલ પીધું હોવાનું બ્યાન આપ્યું છે. પોલીસે આ અંગે જેલરની ફરિયાદને પગલે કપિલ વિરુદ્ઘ ગુનો નોંધી વધુ તપાસ હાથ ધરી છે.

(12:58 pm IST)
  • દિલ્હી વિધાનસભાની ચૂંટણીમાં ભાજપના સાથી પક્ષ લોક જનશક્તિ પાર્ટી તમામ 70 બેઠકો પર ચૂંટણી લડશે access_time 8:53 pm IST

  • માઇકલ દેબબ્રત પાત્રા રિઝર્વ બેન્કના નવા ડેપ્યુટી ગવર્નર : પાત્રા ફુગાવા અને ઘટતા જીડીપી ગ્રોથ વચ્ચે મોનેટરી પોલીસી વિભાગ સંભાળશે access_time 4:08 pm IST

  • આજ 15 જાન્યુઆરીના રોજ 72 મો વાર્ષિક " આર્મી ડે " : સૌપ્રથમવાર આર્મી પરેડનું નેતૃત્વ મહિલા કેપ્ટ્ન તાન્યા શેરગિલ કરશે : 26 જાન્યુઆરીના રોજ ગણતંત્ર દિન નિમિતે પણ આર્મી પરેડનું નેતૃત્વ તાન્યાના શિરે access_time 12:37 pm IST