Gujarati News

ગોંડલ, તા.૧૪: તાલુકાના શિવરાજગઢ ગામે પટેલ યુવાને બીમારીથી કંટાળી ફાંસો ખાઇ લેતા અરેરાટી વ્યાપી ગઇ છે.

પ્રાપ્ત વિગતો મુજબ શિવરાજગઢ ગામે રહેતા અને કેટરીંગ કામ કરી પરિવારનું ગુજરાન ચલાવતા દિલીપભાઇ કેશુભાઇ વઘાસીયા ઉ.વ.૩૮એ પોતાના ઘરે ગળાફાંસો ખાઇ આત્મહત્યા કરી લેતા તાલુકા પોલીસની ડીયુ જાડેજાએ તપાસ હાથ ધરી હતી ઘટના અંગે પોલીસ સૂત્રોએ જણાવ્યુ હતુ કે દિલીપભાઇને છેલ્લા કેટલાક સમયથી કમરનો દુખાવો થતો હોય તેની સારવાર કરાવી રહ્યા હતા અને આ બીમારીથી કંટાળી આપઘાત કરી લીધો હતો.