Gujarati News

Gujarati News

News of Wednesday, 14th August 2019

વિસાવદર એપોલો ઇન્ટરનેશનલ સ્કુલમાં વાલીઓની ફરીયાદ બાદ કાર્યવાહી કરાશે

તસ્વીરમાં શાળા-સંચાલક માર મારતા નજરે પડે છે.

જુનાગઢ, તા., ૧૪: જુનાગઢ જીલ્લાના વિસાવદરમાં આવેલી એપોલો ઇન્ટરનેશનલ સ્કુલમાં શાળા સંચાલક ૬ વિદ્યાર્થીઓને માર મારતા હોય તેવો વિડીયો સોશ્યલ મીડીયામાં વાયરલ થયા બાદ આ પ્રકરણમાં વાલીઓ અથવા તો વાલી મંડળ દ્વારા ફરીયાદ કરવામાં આવ્યા બાદ કાર્યવાહી કરાશે તેમ ડીડીઓશ્રીએ જણાવ્યું હતું.

વિસાવદરની એપોલો ઇન્ટરનેશનલ સ્કુલમાં રપ જુલાઇએ બનેલી ઘટનામાં સ્કુલના સંચાલક છગનભાઇ જોધાણીએ  પોતાની ઓફીસમાં ધો.૧૧ સાયન્સના છ છાત્રોને બોલાવીને સીસીટીવી બતાવીને એક પછી એક વિદ્યાર્થીને આડેધડ માર મારતા હોય તેવો વિડીયો સામે આવ્યો છે. જેમાં જે તે વખતે કલાસમાં સાથે અભ્યાસ કરતી છ વિદ્યાર્થીનીને આ છાત્રો હેરાન પરેશાન કરતા હોવાની ફરીયાદ મળતા સંચાલકે છાત્રોને માર માર્યાનું બહાર આવ્યું છે.  શાળાના સંચાલક છગનભાઇ જોધાણીએ જણાવ્યું કે આ વિડીયો સાચો જ છે. પરંતુ આ છાત્રો દ્વારા વિદ્યાર્થીનીઓને કલાસમાં પરેશાન કરતા હોવાની ફરીયાદ મળી હતી. જેથી તેમના વાલીઓને બોલાવીને જાણ કરવા વાલીઓના દબાણના કારણે જ માર માર્યો હોવાનું જણાવી રહયા છે. આ અંગે કોઇ વાલીઓએ વાંધો ઉઠાવ્યો નથી. માત્રને માત્ર તેમની સંસ્થાને બદનામ કરવા માટે વિડીયો વાયરલ કરવામાં આવ્યો છે.

જો કે આ ઘટના અંગે વિદ્યાર્થી કે વિદ્યાર્થીનીના વાલીઓ દ્વારા સંચાલક સામે કોઇ જ ફરીયાદ કરી નથી. પરંતુ શાળાના જ કોઇએ આ વિડીયો કેપ્ચર કરીને વાયરલ કર્યાનું જણાઇ આવ્યું છે. આ મામલે શિક્ષણાધીકારીએ જણાવ્યું કે અમોને જાણમાં આવતા ટીમ દ્વારા તપાસ કરવામાં આવી રહી છે. રીપોર્ટના આધારે પગલા લેવામાં આવશે.

(3:33 pm IST)
  • અયોધ્યા કેસ મુદે સુપ્રિમમા સુનાવણી ચાલુ : બાબરના આદેશથી રામમંદિર તોડી પડાયાના પુરાવા છે? સુપ્રિમનો સવાલ : ૫ ઓગષ્ટથી શરૂ થયેલી આ સુનાવણીનો આજે ૬ઠો દિવસ છેઃ ગઇકાલની સુનાવણીમાં રામલલ્લા પક્ષના વકીલે તેમની દલીલો રાખી આજે પણ તેઓ જ તેમની વાત પર આગળ વધી રહયા છેઃ આ દરમિયાન કોર્ટે એકવાર ફરી રામલલ્લા પક્ષ પાસેથી જન્મભૂમિ પર કબ્જાના પુરાવા માંગ્યા હતા access_time 1:13 pm IST

  • નેપાળના રસ્તે ઘુષણખોરી કરનાર વિદેશી મહિલાની ધરપકડ ;બિહારના પૂર્વી ચંપારણ જિલ્લાના રકસોલ ક્ષેત્રમાં નેપાળના રસ્તેથી ભારતમાં ઘુસવા પ્રયાસ કરતી મહિલાને સુરક્ષા એજન્સીઓએ ઝડપી લીધી :મહિલા પાસે પૂરતા દસ્તાવેજ નથી access_time 1:09 am IST

  • વિખ્યાત ગાયિકા કિંજલ દવેએ સુઇગામ નડાબેટ ખાતે બીએસએફના જવાનોને રક્ષાબંધન પર્વ નિમિતે રાખડી બાંધીને ઉજવ્યો હતો. access_time 12:22 am IST