Gujarati News

Gujarati News

News of Wednesday, 14th August 2019

ભાવનગરમાં સતત ૮ કલાક સુધી ૪ ફૂટ ઊંડા પાણીમાં રહી પી.જી.વી.સી.એલ દ્વારા વીજ પુરવઠો કાર્યરત કરવામાં આવ્યો

ભાવનગર તા.૧૪: ભાવનગર તાલુકામાં ગત દિવસોમાં પડેલ ભારે વરસાદને કારણે અનેક ગામોમાં વીજ પુરવઠો ખોરવાયો હતો.તેમજ અનેક ગામોમાં અંધારપટ છવાયો હતો આથી લોકોને હાલાકી નો સામનો કરવો પડી રહ્યો હતો ત્યારે પી.જી.વી.સી.એલની ટીમ દ્વારા યુદ્ઘ ના ધોરણે કામગીરી હાથ ધરી સતત ૮ કલાક સુધી ૪ ફૂટ સુધીનાં ઊંડા પાણીમાં ઉભા રહી સમગ્ર વિસ્તારમાં ફરીથી વીજ પુરવઠો પુનઃ શરૂ કરાયો હતો.

આ સંદર્ભે પી.જી.વી.સી.એલ ના નાયબ કાર્યપાલક ઈજનેર એમ.એમ.પરમારે જણાવ્યું હતું કે લુણધરા ફીડર ભારે વરસાદને કારણે બંધ થયું હતું.અને તેની હેઠળના ગામો લુણધરા, માલપરા, મીઠાપુર, તેમજ દાત્રેજીયામાં લાઈનો તેમજ થાંભલાઓને વ્યાપક નુકસાન થયું હતું.ત્યારે અધિક્ષક ઇજનેર પી.આર.ભાડજા દ્વારા આ ગામો માં ત્વરિત વીજ પુરવઠો કાર્યરત કરવાની સૂચના મળતાં ૩ ઈજનેર સહિતની ૨૫ જણાં ની ટીમ ૩ કી.મી સુધી પાણીમાં ચાલતાં જઈ સવારે ૯ થી સાંજ ના ૭ વાગ્યા સુધી ૪ ફૂટ સુધીના ઊંડા પાણીમાં ભોજન-પાણી લીધાં વીના સતત કાર્યરત રહી હતી.અને પાણી ભરેલ હોવા છતાં પડી ગયેલા વીજ થાંભલાઓ ઉભા કરવામાં સફળ રહી હતી.આમ પી.જી.વી.સી.એલ દ્વારા વિકટ સ્થિતિમાં પણ સુપેરે ફરજ બજાવી લુણધરા ફીડર હેઠળના તમામ ગામો માં વીજ પુરવઠો પુનઃ કાર્યરત કર્યો હતો.

(11:34 am IST)
  • નેપાળના રસ્તે ઘુષણખોરી કરનાર વિદેશી મહિલાની ધરપકડ ;બિહારના પૂર્વી ચંપારણ જિલ્લાના રકસોલ ક્ષેત્રમાં નેપાળના રસ્તેથી ભારતમાં ઘુસવા પ્રયાસ કરતી મહિલાને સુરક્ષા એજન્સીઓએ ઝડપી લીધી :મહિલા પાસે પૂરતા દસ્તાવેજ નથી access_time 1:09 am IST

  • અરવલ્લી-દાહોદ-મહિસાગરમાં આવતીકાલે ગુરૂવારે અને શુક્રવારે ભારેથી અતિ ભારે વરસાદની ચેતવણી : ઓડીશા અને બંગાળ ઉપર લો-પ્રેશર બંગાળ ઉપર લો પ્રેશર બનતા ભારે વરસાદની સંભાવના : આ ઉપરાંત મહેસાણા, બનાસકાંઠા, પાટણમાં પણ અતિ ભારે વરસાદ પડવા ચેતવણી અપાયેલ છે : કચ્છ - સૌરાષ્ટ્રમાં આ સમય દરમિયાન સામાન્ય - મધ્યમ વરસાદ રહેવા સંભવ : દક્ષિણ - મધ્ય ગુજરાતમાં ૨ દિવસ સામાન્ય વરસાદ રહેશે : માછીમારોને દરિયો નહિં ખેડવા તાકીદ કરાયેલ છે access_time 4:17 pm IST

  • ભારત-પાક જવાનો આજે મિઠાઇની આપ-લે નહિ કરે : આજે પાકિસ્તાનના સ્વતંત્ર દિવસ નિમિતે અટારી-વાઘા સરહદે બોર્ડર સીકયોરીટી ફોર્સ અને પાકિસ્તાની રેન્જર વચ્ચે મીઠાઇઓની કોઇ આપ-લે નહિ થાય access_time 3:27 pm IST