Gujarati News

Gujarati News

News of Wednesday, 14th August 2019

ચોટીલાના સૂજરદેવળમાં રેખાબેનને મેસુરે 'ઘરમાં બેસી જા' કહી ધારીયાનો ઘા ઝીંકયો

રાજકોટ તા. ૧૪: ચોટીલાના સૂરજદેવળમાં રહેતાં રેખાબેન ધનજીભાઇ માતાસુરીયા (ઉ.૫૦) નામના દેવીપૂજક મહિલા પર સાંજે ઘર નજીક જ રહેતાં મેસુર ખીમા માતાસુરીયા (દેવીપૂજક) તથા હરિ મેસુર સહિતનાએ ઝઘડો કરી ધારીયાથી હુમલો કરી પગે ઘા ઝીંકી દેતાં ચોટીલા સારવાર અપાવી રાજકોટ સિવિલ હોસ્પિટલમાં દાખલ કરાયા છે.

હોસ્પિટલ ચોકીના સ્ટાફે ચોટીલા પોલીસને જાણ કરી હતી. રેખાબેનના પતિ ધનજીભાઇના કહેવા મુજબ મારા પત્નિ બકરા ચરાવવા ગયા ત્યારે મેસુર પણ તેના ઢોર લઇને ગયો હતો. તેણે મારી ઘરવાળીને ઘરમાં બેસી જવાનું કહી છેડતી કરતાં તેણીએ ઠપકો આપ્યો હોઇ ખાર રાખી હુમલો કરાયો હતો. મેસુર ત્રણેક વર્ષથી હેરાન કરતો હોવાનો આક્ષેપ ધનજીભાઇએ કરતાં ચોટીલા પોલીસે વિશેષ તપાસ હાથ ધરી છે.

(9:58 am IST)
  • જમ્મુ-કાશ્મીરમાં પૂર્વ આઇએએસ અધિકારી શાહ ફૈઝલની ધરપકડ : તેઓ પીપલ્સ મુવમેન્ટ પાર્ટીના અધ્યક્ષ છે અને ૩૭૦ મી કલમ હટાવવાનો વિરોધ કરેલ આમ કાશ્મીરના વધુ એક અલગાવવાદી નેતાની અટક છે access_time 4:18 pm IST

  • દાઉદના ભાઇ અનિસ ઇબ્રાહીમનો સાગ્રીત ઝડપાયો : મુંબઇ ક્રાઇમ બ્રાન્ચ પોલીસે દાઉદ ઇબ્રાહીમના ભાઇ અનિસના સાગ્રીત મોહમ્મદ અબ્દુલ લતીફ સાહીદની કેરળ એરપોર્ટથી ધરપકડ કરી છે. access_time 4:18 pm IST

  • અરવલ્લી-દાહોદ-મહિસાગરમાં આવતીકાલે ગુરૂવારે અને શુક્રવારે ભારેથી અતિ ભારે વરસાદની ચેતવણી : ઓડીશા અને બંગાળ ઉપર લો-પ્રેશર બંગાળ ઉપર લો પ્રેશર બનતા ભારે વરસાદની સંભાવના : આ ઉપરાંત મહેસાણા, બનાસકાંઠા, પાટણમાં પણ અતિ ભારે વરસાદ પડવા ચેતવણી અપાયેલ છે : કચ્છ - સૌરાષ્ટ્રમાં આ સમય દરમિયાન સામાન્ય - મધ્યમ વરસાદ રહેવા સંભવ : દક્ષિણ - મધ્ય ગુજરાતમાં ૨ દિવસ સામાન્ય વરસાદ રહેશે : માછીમારોને દરિયો નહિં ખેડવા તાકીદ કરાયેલ છે access_time 4:17 pm IST