News of Thursday, 14th June 2018

કેશોદના ભીખારામ હરીયાણીની હત્યા કરનારા પાંચ ઝડપાયા

મૃતકની બે દુકાનો અને જમીનનો પ્લોટ પણ પડાવી લીધેલ

જૂનાગઢ તા. ૧૪ :.  કેશોદના બાવાજી ભીખારામ હરીયાણીની હત્યા કરનાર પાંચ શખ્સોને પોલીસે ઝડપી પાડયા છે.

કેશોદના ત્રિલોકનગરમાં રહેતા કરિયાણાના વેપારી ભીખારામ ભગવાનદાસ હરીયાણીની ગઇકાલે કેશોદમાં રેલવે ફાટક પાસે સરાજાહેર હત્યા થઇ હતી.

જેમાં મૃતકના પુત્ર કરણ હરિયાણીએ અગાઉ તેના પિતા ભીખારામભાઇ સાથે વ્યાજ વટાવનો ભાગીદારીમાં ધંધો કરતા કેશોદ પાલિકામાં વિપક્ષી નેતાના પુત્ર રાજુ ભામાભાઇ સીંઘલ, રામા ભામા સીંઘલ, દિવ્યેશ રામા રબારી, ભુપત રબારી અને બોઘો રબારી સામે હત્યાની ફરીયાદ નોંધાવી હતી.

ફરિયાદમાં જણાવેલ કે, ભાગીદારીમાં વાંધો પડતા છ માસ અગાઉ છુટા થયેલ પરંતુ રાજુ ભામા અને તેનો ભત્રીજો દિવ્યેશે અગાઉ ઘરે આવી ધાકધમકી આપી હતી.

તેમજ બે દુકાનો અને ભાગીદારીનો જમીનનો પ્લોટ પડાવી લીધો હતો.

ગઇકાલે આ મનદુઃખમાં પાંચેય શખ્સોએ ધસી આવી કારમાંથી ભીખારામ હરીયાણીને બહાર ખેંચી તેની હત્યા નિપજાવીને નાસી ગયા હતા.

સરાજાહેર હત્યાનો બનાવ બનતા કેશોદમાં સોંપો પડી ગયો હતો.

આ અંગેની જાણ થતાં એએસપી સંજય ખરાતે સ્ટાફ સાથે દોડી જઇને તપાસ હાથ ધરી હતી.

કેશોદના એએસપી સંજય ખરાતે અકિલા સાથેની વાતચીતમાં જણાવેલ કે, હત્યા કરનાર પાંચેય શખ્સો પોલીસના હાથમાં આવી ગયા છે અને પોલીસે આ શખ્સોની પૂછપરછ શરૂ કરી છે.

(5:04 pm IST)
  • દિલ્હીના મંત્રી ઇમરાન હુસૈનને જાનથી મારી નાખવાની ભાજપના ધારાસભ્યે ધમકી દીધીઃ પર્યાવરણમંત્રી ઇમરાને ઈંદ્રપ્રસ્થ પોલીસ સ્ટેશનમાં ભાજપના ધારાસભ્ય મનિન્દરસિંહ સિરસા વિરુદ્ધ ફરિયાદ નોંધાવી :સરકારી કામમાં ખલેલ પહોચાડયાનો પણ આક્ષેપ access_time 12:57 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST