Gujarati News

Gujarati News

News of Thursday, 14th June 2018

''તુ બહુ કમાણો'' ૧ર લાખ આપી દે ગળે કુહાડી રાખીને ભાવનગરના સંજય બારડને ધમકી

નીતીન પરમારની શોધખોળઃ પરિવારને પણ મારી નાખવાની ધમકી

ભાવનગર તા. ૧૪ : ભાવનગરમાં યુવાનની ઓફિસમાં ઘુસી એક શખ્સે રૂ.૧ર લાખની માંગણી કરી ઓફિસમાં તોડફોડ કરી પરિવારઓને મારી નાખવાની ધમકી આપ્યાની પોલીસ ફરીયાદ નોંધાઇ છે.

બનાવની વિગતો એવી છેકે શહેરના ભરતનગર વિસ્તારમાં સીતારામનગર પ્લોટ નં. સી પપ માં રહેતા સંજયભાઇ પોપટભાઇ બારડ તેની ઓફીસે બેઠા હતા ત્યારે ભરતનગર વિસ્તારમાં રહેતા નીતીન પરમાર નામના શખ્સે ઓફીસમાં ઘુસી આવીને ગાળો ભાંડી ટેબલનો કાચફોડી રૂ.પ૦૦૦નું નુકસાન કરી તેની પાસે રહેલ કુહાડીને ગળા પર રાખી ''તુ બહુ કમાણો'' કહી રૂ.૧ર લાખની માગણી કરી એવી ધમકી આપી હતી કે જો રૂપિયા નહિ આપ તો તને અને તારા પરિવારને જાનથી મારી નાખીસ તેમ કહી નાસી છુટયો હતો આ અંગે સંજયભાઇએ એડીવીઝન પોલીસ સ્ટેશનમાં ફરીયાદ નોંધાવતા પોલીસે ગુન્હો નોંધી તપાસ હાથ ધરી છે.

(4:28 pm IST)
  • રાજસ્થાનમાં આંધીને કારણે દિલ્હીમાં ધૂળની આંધી ;ત્રણ દિવસ ધૂંધળું રહેશે વાતાવરણ;હવામાનના નિષ્ણાંતો મુજબ :રાજસ્થાનમાં ભીષણ તાપમાન વચ્ચે પશ્ચિમી વિક્ષોભના કારણે ભારે પવનથી ધૂળની આંધીની અસર દિલ્હી, એનસીઆર ક્ષેત્રમાં થશે access_time 11:37 pm IST

  • કાલે પેટ્રોલમાં લિટરે 8 પૈસાનો ઘટાડો થવાની શકયતા ;ડીઝલના ભાવમાં કોઈ ફેરફાર નહિ થાય: પેટ્રોલ-ડીઝલના ભાવમાં છેલ્લા બે દિવસથી ભાવમાં ઘટાડાને બ્રેક લાગી હતી: કાલે શુક્રવારે પેટ્રોલમાં લીટર માત્ર આઠ પૈસાનો ઘટાડો થશે જયારે ડીઝલના ભાવ યથાવત રહેશે access_time 10:18 pm IST

  • ઉત્તરાખંડમાં ભૂકંપના આંચકા : તીવ્રતા ૪.૦ રિક્ટર સ્કેલ નોંધાઈ : લોકો ઘરની દોડી ગયા : ભૂકંપનું એપી સેન્ટર ઉત્તર કાશીમાં : કોઈ જાનહાની નથી access_time 12:04 pm IST