Gujarati News

Gujarati News

News of Thursday, 14th June 2018

મોરબીમાં કરોડોનું બોગસ બીલીંગ કોૈભાંડ પકડાયું: કાવ્યા સિરામીકમાં તપાસમાં અન્ય કોઇએ ''કળા'' કર્યાનું ખુલ્યું

બે મહિનામાં ડોકયુમેન્ટમાં કરોડો રૂપિયાના ઇ-વે બીલ જનરેટ કર્યાનો ધડાકો... : કંપનીના નામે કોઇએ, રજીસ્ટ્રેશન કરાવ્યાનું બહાર આવતા ફોજદારી કરાઇઃ ત્રણની ધરપકડ

રાજકોટ તા.૧૪: રાજકોટ કચેરીના અન્વેષણ વિભાગના ડે. કમિશ્નર શ્રી હિતેષ વર્મા એ સપાટો બોલાવી મોરબીમાં પ્રાથમિક અંદાજ પ્રમાણે બે કરોડનું બોગસ બીલીંગ કોૈભાંડ ઝડપી લીધુ છે, હાલ વેટ તંત્ર તથા આ કેસમાં પોલીસ કેસ બન્યો હોય, પોલીસ પણ તપાસ કરી રહી છે, આ કેસમાં ત્રણ આરોપીની ધરપકડ પણ કરાઇ હોવાનું બહાર આવ્યું છે.

આ કેસ અંગે મળતી વિગતો મુજબ થોડા દિવસો પહેલા ચોક્કસ બાતમી પરીથી, મોરબીની કાવ્યા સિરામીક પેઢી ઉપર દરોડા પાડયા હતા, જેમાં તપાસમાં બે મહિનામાં ડોકયુમેન્ટ  થયાનું અને માત્ર બે મહિનામાં કરોડો રૂ.ની ઇ-વે બીલ જનરેટ કર્યાનું ખુલ્યું હતું. આથી શ્રી વર્મા અને તેની ટીમે વિસ્તૃત તપાસ હાથ ધરતા, કાવ્યા સિરામીકના નામે મોરબીના જ ત્રણ શખ્સોએ વેટમાં રજીસ્ટ્રેશન કરાવી, કરોડો રૂપિયાના ઇ-વે બીલ જનરેટ કર્યાનું ખુલ્યું હતું.

ઉપરોકત પેઢીના નામે અન્ય કોઇ કળા કરી ગયું તે વિગતો બહાર આવતા ડે. કમિશ્નર શ્રી વર્મા ચોંકી ઉઠયા હતા,  અને આ અંગે પોલીસમાં ફરીયાદ કરાઇ હતી, પોલીસે અત્યંત ગુપ્તતાથી તપાસ હાથ ધરી અને ત્રણ આરોપીની ધરપકડ કરી લીધી છે, હજુ તપાસ ચાલુ રાખી છે.

વેટ અધિકારી સૂત્રોના ઉમેર્યા પ્રમાણે, હાલ પ્રાથમિક તપાસમાં ૨ કરોડનું બોગસ બીલીંગ ઉજાગર થયું છે, આ આંકડો વધી શકે છે. (૧.૨૧)

 

(4:23 pm IST)
  • નાનાનું ધારદાર ટ્વીટઃ પહેલા દિલ્હીવાળા કેજરીવાલ, કેજરીવાલ કરતા હતા : હવે દિલ્હીવાળા હે ભગવાન, હે ભગવાન કરે છે!!! access_time 11:32 am IST

  • પેટ્રોલ-ડીઝલના ભાવમાં ઘટાડો ભૂલી જવાયો :સતત બીજા દિવસે ભાવમાં ઘટાડાને બ્રેક ;કાલે ગુરુવારે પેટ્રોલ-ડીઝલના ભાવ યથાવત રહેશે :ઘટાડો થવાની શકયતા નહિવત;ભાવમાં કોઈ ફેરફાર થશે નહીં તેમ મનાય છે access_time 12:40 am IST

  • દિલ્હીમાં હવાનું પ્રદુષણ ત્રીજા દિવસે અતિ ગંભીર સ્તરે :બાંધકામ ગતિવિધિઓ પર પ્રતિબંધ મુકાયો : લોકોને લાંબા સમય ઘરની બહાર નહીં રહેવા સૂચના:દિલ્હી એનસીઆર વિસ્તારમાં પીએમનું સ્તર 1400 માઇક્રોગ્રામ પ્રતિ ઘનમીટર જે ગંભીર સ્તરથી ત્રણગણું વધારે છે access_time 11:33 pm IST