Gujarati News

Gujarati News

News of Thursday, 14th June 2018

ખંભાળીયા પાલિકા પ્રમુખપદે ભાજપના શ્વેતાબેન શુકલ-ઉપપ્રમુખ પી.એમ. ગઢવી

વિપક્ષ કોંગ્રેસના સભ્યોનો વોકઆઉટ કરીને રામધૂન બોલાવી

 ખંભાળીયા, તા. ૧૪ :. નગરપાલિકાની વર્તમાન બોડીના પ્રથમ પ્રમુખ-ઉપપ્રમુખ પદ માટેની અઢી વર્ષની મુદત પુરી થતા આગામી અઢી વર્ષ માટેના પ્રમુખ-ઉપપ્રમુખ સહિતના હોદેદારોની ચૂંટણી આજરોજ ગુરૂવારે સવારે પાલિકા સભાગૃહ ખાતકે યોજાઈ હતી. જેમા ભારે ખેંચતાણ બાદ આગામી પ્રમુખ તરીકે શ્વેતાબેન શુકલ અને ઉપપ્રમુખ તરીકે પી.એમ. ગઢવીના નામોની વિધિવત રીતે જાહેરાત થઈ હતી.

ભાજપ શાસિત ખંભાળીયા નગરપાલિકાના પ્રમુખ શૈલેષભાઈ કણજારીયા તથા ઉપપ્રમુખ ફાલ્ગુનીબેન વ્યાસના શાસનની અઢી વર્ષની મુદત પૂર્ણ થતા આગામી હોદેદારો તરીકેની ચૂંટણી આજરોજ ગુરૂવારે સવારે ૧૧ વાગ્યે અત્રે મ્યુ. ગાર્ડનમાં આવેલા પાલિકાના સભાગૃહ ખાતે પ્રાંત અધિકારી ડી.સી. જોશી તથા ચીફ ઓફિસર એ.કે. ગઢવીની ઉપસ્થિતિમાં યોજાઈ હતી.

જીલ્લાના નેતાઓ દ્વારા ભાજપના સદસ્યોને છેલ્લી ઘડીએ આપવામાં આવેલા મેન્ડેટના કવરમાં આગામી પ્રમુખ તરીકે શ્વેતાબેન અમિતભાઈ શુકલનું નામ જાહેર થયુ હતુ. પ્રમુખ પદ માટે શ્વેતાબેન શુકલના નામની દરખાસ્ત પૂર્વ પ્રમુખ દિનેશભાઈ દતાણીએ મુકી હતી. જેને શૈલેષભાઈ કણઝારીયાએ ટેકો આપ્યો હતો.

આમ આગામી વર્ષના હોદેદારો માટે ભારે લોબીંગ, ખેંચતાણ અને ભલામણોના દૌર વચ્ચે આજરોજ સામાન્ય સભામાં પ્રમુખ તરીકે શ્વેતાબેન અમિતભાઈ શુકલ, ઉપપ્રમુખ તરીકે પૂર્વ પ્રમુખ પી.એમ. ગઢવી, કારોબારી ચેરમેન તરીકે યુવા નેતા દિપેશભાઈ ગોકાણી, પક્ષના નેતા તરીકે હંસાબા ભીખુભા જેઠવા અને દંડક તરીકે કંચનબેન ભરતભાઈ નડીયાપરાની વરણી કરવામાં આવી હતી. જેને ઉપસ્થિત સદસ્યોએ આવકારીને નવા હોદેદારોને શુભકામનાઓ પાઠવી હતી.

પાલિકામાં કુલ ર૮ પૈકી ૧૯ સદસ્યો સાથે ભાજપની સ્પષ્ટ બહુમતી છે. જયારે નવ સભ્યોના સંખ્યાબળ સાથે કોંગ્રેસ દ્વારા પણ વિરોધપક્ષની ભૂમિકા અદા કરવામાં આવે છે.

આજની પ્રમુખ-ઉપપ્રમુખ પદ માટેની ચૂંટણીમાં કોંગ્રેસના સદસ્યો પણ ઉપસ્થિત રહ્યા હતા. સામાન્ય સભાની ચૂંટણીના એજન્ડા પત્રમાં જે તે સમયે તા. ૧૪ મી જુનના ગુરૂવારના બદલે બુધવાર દર્શાવવામાં આવ્યો છે.

તા. ૧૩મી ના બુધવાર હોવાથી તારીપ અને વાર વચ્ચેની વિસંગતતાને કોંગી સદસ્યો, હોદ્દેદારો, કાર્યકરોએ ગંભીર સદસ્યોએ વિરોધ દર્શાવી, મીટીંગમાંથી વોડ-આઉટ કરી ગયા હતા. આટલુ જ નહિ, પાલિકા કચેરી ખાતે રામધૂન બોલાવી, રોષ પણ વ્યકત કર્યો હતો.

આ ઉપરાંત આજની આ ચૂંટણી પ્રક્રિયા મોકૂફ રાખી, નવા એજન્ડા સાથે પુનઃ ચૂંટણી કરવામાં આવે તે માટેની લેખીત માંગ પણ અધિકારીઓ પાસે કોંગ્રેસ દ્વારા કરવામાં આવી છે. અને જરૂર પડયે કાયદાકીય લડત આપવાની તૈયારી પણ દર્શાવી છે.

ખંભાળિયા નગરપાલિકાના આગામી નવા સુકાની એવા શ્વેતાબેન શુકલ તથા પી.એન. ગઢવીને કાર્યકરો હોદ્દેદારો આવકાર્યા હતા અને ફટાકડા ફોડી, હારતોરા કરીને અભિવાદન પણ કરાયું હતું.

(3:53 pm IST)
  • પેટ્રોલ-ડીઝલના ભાવમાં ઘટાડો ભૂલી જવાયો :સતત બીજા દિવસે ભાવમાં ઘટાડાને બ્રેક ;કાલે ગુરુવારે પેટ્રોલ-ડીઝલના ભાવ યથાવત રહેશે :ઘટાડો થવાની શકયતા નહિવત;ભાવમાં કોઈ ફેરફાર થશે નહીં તેમ મનાય છે access_time 12:40 am IST

  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • દિલ્હીમાં હવાનું પ્રદુષણ ત્રીજા દિવસે અતિ ગંભીર સ્તરે :બાંધકામ ગતિવિધિઓ પર પ્રતિબંધ મુકાયો : લોકોને લાંબા સમય ઘરની બહાર નહીં રહેવા સૂચના:દિલ્હી એનસીઆર વિસ્તારમાં પીએમનું સ્તર 1400 માઇક્રોગ્રામ પ્રતિ ઘનમીટર જે ગંભીર સ્તરથી ત્રણગણું વધારે છે access_time 11:33 pm IST