News of Thursday, 14th June 2018

મોરબીમાં પછાત વર્ગને જાતિના દાખલા કઢાવવા મામલતદાર કચેરીએ ધક્કા

મોરબી તા. ૧૪ : સેવા સદન કચેરીમાં ગરીબ પરિવારોને જાતિના દાખલા કઢાવવા માટે ધક્કા ખવડાવી યોગ્ય જવાબ આપવામાં આવતા ના હોય આ મામલે જીલ્લા કલેકટરને લેખિત રજૂઆત કરવામાં આવી છે.

સામાજિક કાર્યકર રાજુભાઈ દવેએ જીલ્લા કલેકટરને કરેલી રજૂઆતમાં જણાવ્યું છે કે મામલતદાર કચેરીમાં ગરીબ અને પછાત વર્ગના લોકોને જાતિના દાખલા કાઢી આપવામાં આવતા નથી અને ધક્કા ખવડાવે છે મામલતદાર દ્વારા અરજદારોને યોગ્ય જવાબ અપાતો નથી હાલ શાળામાં એડમીશન ચાલુ થયા છે અને જાતિના દાખલાના વાંકે બાળકોના એડમીશન અટકી શકે છે.

મામલતદાર કચેરી કલેકટર કચેરીને ખો આપી જવાબદારી ખંખેરી લે છે ત્યારે ગરીબ લોકો કયાં જાય તેમ જણાવીને કલાકો લાઈનમાં ઉભા રહેતા અરજદારોને જાતિના દાખલા કાઢી આપવામાં આવતા નથી જેથી આ ગરીબ પરિવારોને ન્યાય મળે તેવા પગલા ભરવાની માંગ કરી છે.

(12:42 pm IST)
  • પેટ્રોલ-ડીઝલના ભાવમાં ઘટાડો ભૂલી જવાયો :સતત બીજા દિવસે ભાવમાં ઘટાડાને બ્રેક ;કાલે ગુરુવારે પેટ્રોલ-ડીઝલના ભાવ યથાવત રહેશે :ઘટાડો થવાની શકયતા નહિવત;ભાવમાં કોઈ ફેરફાર થશે નહીં તેમ મનાય છે access_time 12:40 am IST

  • દિલ્હીમાં હવાનું પ્રદુષણ ત્રીજા દિવસે અતિ ગંભીર સ્તરે :બાંધકામ ગતિવિધિઓ પર પ્રતિબંધ મુકાયો : લોકોને લાંબા સમય ઘરની બહાર નહીં રહેવા સૂચના:દિલ્હી એનસીઆર વિસ્તારમાં પીએમનું સ્તર 1400 માઇક્રોગ્રામ પ્રતિ ઘનમીટર જે ગંભીર સ્તરથી ત્રણગણું વધારે છે access_time 11:33 pm IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST