Gujarati News

Gujarati News

News of Thursday, 14th June 2018

કાલ થી સિંહ દર્શન ૪ મહિના બંધ

વન્ય જીવો માટે સંવનનકાળ હોવાથી ૧૬મી ઓકટોબરે જંગલ રૂટ પુનઃ ખુલશેઃ દેવળીયા સફારી પાર્ક ચાલુ રહેશે

જુનાગઢ તા. ૧૪ :.. ચોમાસાની સીઝન મોટાભાગના વન્ય જીવો માટે સંવનનકાળ હોવાથી વન્ય જીવોને ખલેલ ન પહોંચે તે માટે સાસણના જંગલમાં ચોમાસાનું ચાર માસનું વેકેશન ૧પમી જૂનથી પડી જશે. ચાર માસના વેકેશન દરમિયાન જીપ્સીઓના તમામ રૂટ બંધ થશે અને પ્રવાસીઓ માટે માત્ર  દેવળીયા સફારી પાર્ક ચાલુ રહેશે.

ચોમાસાની સીઝન સિંહો, દીપડા, હરણ, સાબર, ચિંકારા સહિતના મોટા ભાગના વન્ય જીવોમાં ચોમાસાના સમય દરમિયાન પ્રજનન કાળ ચાલતો હોય છે. જેથી  વન્ય જીવોના સંવનનમાં ખલેલ ન પહોંચે તે માટે વન વિભાગ દ્વારા ૧પ જૂનથી સાસણ જંગલમાં ચાર માસ માટેનું વેકેશન જાહેર કરવામાં આવે છે. આ વેકેશન ૧૬ ઓકટોબરે પુર્ણ થાય છે. આ વેકેશન દરમિયાન પ્રવાસીઓને સિંહ દર્શન અને સફારી માટે લઇ જવામાં આવતા જીપ્સીના તમામ રૂટો બંધ રાખવામાં આવે છે. જો કે દેવળીયા સફારી પાર્ક રાબેતા મુજબ ચાલુ રહેશે. એક તરફ સિંહોના ગેરકાયદે દર્શનની સૌથી વધુ વિડીયો કિલપ બહાર આવી છે. સિંહોની હાલત શેરીના શ્વાન જેવી કરી નાંખતી કેટલીક વિડીયો કિલપને કારણે જંગલના રાજાની શાન હણાઇ છે.

કાયદેસરના સિંહ દર્શનમાં ચાર માસના વેકેશન દરમિયાન ગેરકાયદે સિંહ દર્શનનો  ગેરકાનુની ધંધો ફુલેફાલે નહીં તેના પર તંત્રએ અંકુશ રાખવો જરૂરી બની રહેશે.

(11:59 am IST)
  • કાલે પેટ્રોલમાં લિટરે 8 પૈસાનો ઘટાડો થવાની શકયતા ;ડીઝલના ભાવમાં કોઈ ફેરફાર નહિ થાય: પેટ્રોલ-ડીઝલના ભાવમાં છેલ્લા બે દિવસથી ભાવમાં ઘટાડાને બ્રેક લાગી હતી: કાલે શુક્રવારે પેટ્રોલમાં લીટર માત્ર આઠ પૈસાનો ઘટાડો થશે જયારે ડીઝલના ભાવ યથાવત રહેશે access_time 10:18 pm IST

  • દિલ્હીમાં હવાનું પ્રદુષણ ત્રીજા દિવસે અતિ ગંભીર સ્તરે :બાંધકામ ગતિવિધિઓ પર પ્રતિબંધ મુકાયો : લોકોને લાંબા સમય ઘરની બહાર નહીં રહેવા સૂચના:દિલ્હી એનસીઆર વિસ્તારમાં પીએમનું સ્તર 1400 માઇક્રોગ્રામ પ્રતિ ઘનમીટર જે ગંભીર સ્તરથી ત્રણગણું વધારે છે access_time 11:33 pm IST

  • અમદાવાદના મહિલા મેયર તરીકે બીજલ પટેલઃ અમોલ ભટ્ટ સ્ટેન્ડીંગ ચેરમેનઃ ડે. મેયર તરીકે દિનેશ મકવાણાની વરણીઃ શાસક પક્ષના નેતા તરીકે અમિતભાઇ શાહને જવાબદારી access_time 11:32 am IST