Gujarati News

Gujarati News

News of Thursday, 14th June 2018

હાર્દિક પટેલની વંથલીમાં સાંજે ખેડૂત સભા

રાજકોટ માલવીયાનગર પોલીસ સ્ટેશનમાં હાજરી પુરાવશેઃ વંથલીમાં ખનીજ માફીયાઓના હુમલામાં ઇજાગ્રસ્તના ખબર-અંતર પુછશેઃ કેશોદના 'પાસ'નાં કાર્યકરને શ્રધ્ધાસુમન અર્પણ કરશે

રાજકોટ તા. ૧૪ :.. 'પાસ'નાં કન્વીનર અને પાટીદાર અનામત આંદોલનના પ્રણેતા હાર્દિક પટેલ આજે સૌરાષ્ટ્રના  પ્રવાસે છે.

આજે સવારે હાર્દિક પટેલે 'અકિલા' ને જણાવ્યુ હતું કે હું સવારે અમદાવાદથી નીકળ્યો છુ અને ત્યાંથી જસદણ બપોરે પહોંચીશ.

ત્યારબાદ રાજકોટ માલવીયાનગર પોલીસ સ્ટેશનમાં હાજરી આપીશ. અને વંથલીમાં ખેડૂત સભા સંબોધીશ.

 જેમાં ગત વિધાનસભાની ચૂંટણી સમયે નાનામવા વિસ્તારમાં યોજાયેલી સભાની પરવાનગી ન હોય તે મુદ્દે તેના વિરૂધ્ધ ગુનો નોંધાયો હતો તેથી તે પોલીસ મથકમાં હાજર થશે. ત્યારબાદ હાર્દિક પટેલ વંથલીમાં થઇ રહેલી ખનીજ ચોરી સામે અવાજ ઉઠાવનાર નયન કલોલા પર ખનીજ માફીયાઓએ હુમલો કરતા નયન કલોલાની ખબર અંતર પુછવા જૂનાગઢ ઝાંઝરડા ચોકડી, કલ્પ હોસ્પિટલમાં જઇ ખબર અંતર પૂછી વંથલી પટેલ સમાજમાં રાખેલી મીટીંગમાં હાજરી આપશે. અને ખેડૂત સભા સંબોધશે.

ત્યારબાદ કેશોદના અજાબમાં પાટીદાર અનામત આંદોલનના યુવા આંદોલનકારી સાગર ભીમાણીનું નિધન થતાં તેના બેસણામાં પણ હાજરી આપશે. આમ એક જ દિવસમાં રાજકોટ અને જૂનાગઢ જિલ્લાના બે ગામોની મુલાકાત લેવાનો હોય ત્યારે સ્થાનિક પાસના અગ્રણીઓ પણ તેની મુલાકાતમાં મોટીસંખ્યામાં જોડાનાર છે.

(11:57 am IST)
  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST

  • ભાજપના સાંસદ શત્રુઘ્નસિંહા આરજેડીની ઈફ્તાર પાર્ટીમાં પહોંચ્યા ;તેજસ્વી યાદવે પહેરાવી ટોપી : ભાજપની સહયોગી જેડીયુ દ્વારા પણ ઈફ્તાર પાર્ટી રાખી હતી પરંતુ શોટગન શત્રુઘ્નસિંહા આજે તેજસ્વી યાદવની ઈફ્તાર પાર્ટીમાં સામેલ થતા રાજકીય અટકળ શરૂ access_time 1:02 am IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST