News of Thursday, 14th June 2018

બુધવારે જસદણ તાલુકા પંચાયતના પ્રમુખ ઉપપ્રમુખની ચુંટણી

જસદણ તા. ૧૪ : જસદણ તાલુકા પંચાયતના પ્રમુખ ઉપપ્રમુખની ચુંટણી આગામી તા.૨૦ જૂન બુધવારના રોજ જાહેર થતા રાજકીય ગતિવિધિ તેજ બની છે. આ અંગે રાજકોટ જિલ્લા વિકાસ અધિકારીએ તાલુકા પંચાયતના ચુંટાયેલા દરેક સભ્યોને એજન્ડા પાઠવી દીધા છે.

જેમાં જણાવ્યુ છે કે, પ્રાંત અધિકારીની અધ્યક્ષતા હેઠળ સામાન્ય પ્રમુખ ઉપપ્રમુખની ચુંટણી તા. ૨૦ જૂનના રોજ સવારે ૧૧ કલાકે તાલુકા પંચાયતના સભાખંડમાં યોજાશે. આ અંગેના ફોર્મ ભરવાનો છેલ્લો દિવસ આગામી તા.૧૯ જૂન અને બુધવાર છે. જસદણ તાલુકા પંચાયતની વાત કરીએ તો અઢી વર્ષ પહેલા ચુંટણી યોજાય હતી.

જેમાં કુલ મળી ૨૨ સભ્યો ચુંટાયા હતા. જેમાં કોંગ્રેસના ૧૯ અને ભાજપના ફકત ૩ સભ્યો ચુંટાયા હતા. સ્થાનિક રાજકીય સુત્રોમાં થતી ચર્ચા મુજબ વિધાનસભાની બેઠક પર પ્રથમ કોળી જ્ઞાતિ ત્યારબાદ બીજા નંબર પર ઇતર સમાજના મતદારોનું પ્રભુત્વ છે. ત્યારે કોંગ્રેસના મોવડીઓ ઇતર સમાજમાંથી કોઇ સભ્યોને પ્રમુખ બનાવશે. જો કે રાજકારણમાં અનેક તામતથી પદ પણ ફરી જાય તેવું નગરપાલીકામાં જસદણવાસીઓએ અનુભવ કર્યો છે. ત્યારે આ ચુંટણીને લઇ રાજકીય ગતિવિધિઓ તેજ બની છે.

(11:48 am IST)
  • મુંબઈમાં છેલ્લા બે મહિનામાં 295 આગ લાગવાની ઘટના ;60 કરોડનું નુકશાન :બીએમસીની નિષ્ક્રિયતા સામે ઉઠતા સવાલ access_time 12:56 am IST

  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST

  • દિલ્હીમાં હવાનું પ્રદુષણ ત્રીજા દિવસે અતિ ગંભીર સ્તરે :બાંધકામ ગતિવિધિઓ પર પ્રતિબંધ મુકાયો : લોકોને લાંબા સમય ઘરની બહાર નહીં રહેવા સૂચના:દિલ્હી એનસીઆર વિસ્તારમાં પીએમનું સ્તર 1400 માઇક્રોગ્રામ પ્રતિ ઘનમીટર જે ગંભીર સ્તરથી ત્રણગણું વધારે છે access_time 11:33 pm IST