Gujarati News

Gujarati News

News of Thursday, 14th June 2018

આમરણ ચોવીસી પંથકના બસ રૂટો બંધ કરતા રજુઆત

ફડસર ગ્રામ પંચાયતના મહિલા સરપંચે કરેલી લેખીત રજુઆત

આમરણ તા.૧૪: એસટી તંત્ર દ્વારા આમરણ ચોવીસી પંથકને લગતા આડેધડ બંધ કરવામાં આવતા એસટી રૂટો તથા સમયમાં કરતા ફેરફાર અંગે ફડસર ગ્રામ મહિલા સરપંચ જયાબેન બાબુભાઇ કુંભરવાડિયાએ વિભાગીય નિયામક એસ.ટી. રાજકોટને પત્ર પાઠવી તાકિદે પ્રશ્નોનું નિરાકરણ લાવવા માંગણી કરી છે. જો તાકિદે ઘટતું કરવામાં નહિ આવે તો મોરબી એસ.ટી ડેપો ખાતે ઘરણા યોજી આંદોલનની ચિમકી આપી છે.

તેઓએ રજુઆતમાં જણાવ્યું છે કે, સન ૧૯૭૨ થી મોરબીથી સાંજે ૬ કલાકે ઉપડી ફડસર રૂટની બસ વિના કારણે બંધ કરી દેવામાં આવી છે. પ્રજાની સવલતને અવગણી અધિકારીઓ દ્વારા કરતા ફેરફારો હરગીજ ચલાવી લેવાશે નહિં.

તદુપરાંત ભરચક્ક ટ્રાફિકવાળા અને સારી ઇન્કમ આપતા ૪૦ વર્ષ ઉપરાંતના વર્ષો જુના ઘણા બસરૂટો આ અગાઉ બંધ કરી દેવાયા છે. જેમાં મોરબી થી સવારે ૬ કલાકે ઉપડતી મોરબી-જામનગર તેમજ ધ્રાંગધ્રા-જામખંભાળીયા, લીંબડી- જામનગર, ચોટીલા-જામનગર જેવા મહત્વના રૂટો વિનાકારણે બંધ કરી દેવાયા છે. જે જનતાની  ઝુંટવી લેવાયેલ એસ.ટી. સેવા પુનઃ શરૂ કરવા તેમજ મોરબી-જામનગર બસને વાયા ખાનપર રૂટ પર દોડાવવા તથા મોરબી-દ્વારકા નવો રૂટ શરૂ કરી પ્રજાને વિશેષ એસ.ટી. સવલત આપવાની માંગણી કરવામાં આવી છે.

(11:48 am IST)
  • આજથી સમગ્ર વિશ્વમાં ફુટબોલ ફીવરઃ ફીફા વર્લ્ડકપનો પ્રારંભઃ ૧૧ શહેરના ૧૨ સ્ટેડિયમોમાં રમાશે ૬૪ મેચઃ રશિયામાં ઉત્સાહનું મોજુઃ પ્રથમ મેચ યજમાન રશિયા અને સાઉદી અરેબિયા વચ્ચે access_time 11:31 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • સુરતના મેયર તરીકે ડો.જગદીશ પટેલની પસંદગી : સ્ટે. કમિટિના ચેરમેન પદે અનિલ ગોપલાણીની નિમણુંકઃ ડે. મેયર તરીકે નિરવ શાહઃ શાસક પક્ષના નેતા તરીકે દયાંશંકરસિંહની વરણી access_time 11:31 am IST