Gujarati News

Gujarati News

News of Thursday, 14th June 2018

જોડિયા તાલુકા પંચાયતમાં મહિલા પ્રમુખ માટે ભાજપ-કોંગ્રેસ વચ્ચે ખરાખરીનો જંગ

જોડીયા તા.૧૪ :  વર્ષ ૨૦૧૬માં બાર બેઠક સાથે તાલુકા કોંગ્રેસે તાલુકા પંચાયતની સત્તા હસ્તગત કરી હતી. જયારે ચાર બેઠક ભાજપના ફાળે ગઇ હતી. પંચાયતી રાજમાં અઢી વર્ષ માટે પુરૂષ પ્રમુખનુ ટર્મ પુર્ણ થતા તેના સ્થાને ટુંક સમયમાં મહિલા માટે પ્રમુખપદની ચુંટણી યોજાવાની છે.

રાજકારણ અવસરવાદનો ખેલ છે. તક નો લાભ લેવા માટે પક્ષ સાથે વિદ્રોહ અને વિશ્વાસઘાતની પરંપરા બની ચુકી છે. ગત વર્ષ ગુજરાત વિધાનસભાની ચુંટણી પૂર્વ કોંગ્રેસના ધારાસભ્યો પક્ષ સાથે છેડા ફાળીને ભાજપના ખેસ ધારણ કર્યો હતો. જેની અસર સત્તા સ્થાને જોડીયા તાલુકા પંચાયતના ચાર કોંગી સભ્યોએ ભાજપના શરણ ગયા હતા.

જોડીયા તા.પં.ની હાલની સભ્ય સંખ્યા બંને પક્ષ આઠ આઠ છે. બંને પક્ષોમાં મહિલા પ્રમુખપદ માટે ત્રણ ત્રણ મહિલા ઉમેદવાર દાવેદાર ગણાય રહ્યા છે. તે પહેલા પંચાયતમાં બહુમતી સાબિત કરવા માટે બંને પક્ષમાં એક એક સભ્ય ખુટી રહ્યા છે. અંદર ખાતે જોડ તોડનું રાજકારણ ચાલુ છે. હવે જોવાનું રહેશે કે કયો પક્ષ પંચાયતી સત્તા કબ્જે કરે છે.

(11:43 am IST)
  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST

  • ઉત્તરાખંડમાં ભૂકંપના આંચકા : તીવ્રતા ૪.૦ રિક્ટર સ્કેલ નોંધાઈ : લોકો ઘરની દોડી ગયા : ભૂકંપનું એપી સેન્ટર ઉત્તર કાશીમાં : કોઈ જાનહાની નથી access_time 12:04 pm IST

  • પેટ્રોલ-ડીઝલના ભાવમાં ઘટાડો ભૂલી જવાયો :સતત બીજા દિવસે ભાવમાં ઘટાડાને બ્રેક ;કાલે ગુરુવારે પેટ્રોલ-ડીઝલના ભાવ યથાવત રહેશે :ઘટાડો થવાની શકયતા નહિવત;ભાવમાં કોઈ ફેરફાર થશે નહીં તેમ મનાય છે access_time 12:40 am IST