News of Thursday, 14th June 2018

ગોંડલ સફાઈ કામદારોની હડતાળ સમેટાઈ

ગોંડલ, તા.૧૪: ગોંડલ નગરપાલિકા કચેરી ખાતે ચાર માસ પહેલા સફાઈ કર્મચારીઓ દ્વારા તેમના પડતર પ્રશ્નો અંગે ઉગ્ર રજૂઆત વેળા કરાયેલ તોડફોડની દ્યટનામાં પોલીસ દ્વારા ૧૮ કર્મચારીઓની ધરપકડ કરાયા બાદ કર્મચારીઓ દ્વારા હડતાલ કરાતા પદાધિકારીઓ એ દરમિયાનગીરી કરતા સફાઇ કર્મચારીઓની હડતાળ સમેટાઇ હતી.

ચાર માસ જૂની તોડવાની પોલીસ ફરિયાદ સંદર્ભે સિટી પોલીસે ૧૮ જેટલા સફાઈ કામદારોની ધરપકડ કરાતા સફાઈ કામદારો દ્વારા હડતાલ પડાતા સફાઈ કામગીરી ઠપ થઇ જવા પામી હતી, દરમિયાન નગરપાલિકા પ્રમુખ અશોકભાઈ પીપળીયા, ઉપપ્રમુખ અર્પણાબેન આચાર્ય, રાજેન્દ્રસિંહ જાડેજા, પૃથ્વી સિંહ જાડેજા, રાજુભાઈ પરમાર, ચીફ ઓફિસર પટેલ, વાલ્મીકી સમાજના આગેવાનો વસંતભાઈ ગોરી, કાળુભાઈ મેરાણ, બાબુભાઈ ગોરી, શંકરભાઈ વાઘેલા, તુલસીભાઈ વાઘેલા, રાજુભાઈ ગોરી વગેરે સાથે તાકીદે બેઠક યોજી તોડફોડ તથા પોલીસ ફરિયાદની ઘટનાની દુઃખદ ગણાવી સફાઈ કામદારો પ્રત્યે સહાનુભૂતિ બતાવી પગાર કપાત સહિતના પ્રશ્નો અંગે ઘટતું કરવાની ખાતરી આપતા સફાઈ કામદારોએ સંતોષ વ્યકત કરી હડતાળ સમેટી હતી.

(11:33 am IST)
  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • આજથી સમગ્ર વિશ્વમાં ફુટબોલ ફીવરઃ ફીફા વર્લ્ડકપનો પ્રારંભઃ ૧૧ શહેરના ૧૨ સ્ટેડિયમોમાં રમાશે ૬૪ મેચઃ રશિયામાં ઉત્સાહનું મોજુઃ પ્રથમ મેચ યજમાન રશિયા અને સાઉદી અરેબિયા વચ્ચે access_time 11:31 am IST

  • કાલે પેટ્રોલમાં લિટરે 8 પૈસાનો ઘટાડો થવાની શકયતા ;ડીઝલના ભાવમાં કોઈ ફેરફાર નહિ થાય: પેટ્રોલ-ડીઝલના ભાવમાં છેલ્લા બે દિવસથી ભાવમાં ઘટાડાને બ્રેક લાગી હતી: કાલે શુક્રવારે પેટ્રોલમાં લીટર માત્ર આઠ પૈસાનો ઘટાડો થશે જયારે ડીઝલના ભાવ યથાવત રહેશે access_time 10:18 pm IST