Gujarati News

Gujarati News

News of Friday, 14th May 2021

'તૌકતે' વાવાઝોડાને પગલે કચ્છના દરિયામાં કોસ્ટગાર્ડ એલર્ટ : ૧૩૫ માછીમારી બોટ કિનારે હજીયે ૫૯ બોટ દરિયામાં

મત્સ્યોદ્યોગ કચેરીએ નવા ટોકન બંધ કર્યા : પ્રભારી સચિવ અને કલેકટરની સમીક્ષા : જરૂરત પડયે માછીમારોના સ્થળાંતર માટે પૂર્વ તૈયારી

(વિનોદ ગાલા દ્વારા) ભુજ તા. ૧૪ : પશ્ચિમી અરબી સમુદ્રમાં સર્જાયેલ હવાના હળવા દબાણની સ્થિતિ વચ્ચે કચ્છના દરિયાની નજીકથી 'તૌકતે' વાવોઝોડું પસાર થાય તેવી શકયતા છે. ત્યારે રાજય સરકાર સાથે કચ્છનું વહીવટી તંત્ર પણ એલર્ટ થઈ ગયું છે. તો, જખૌ સહિતના કચ્છના દરિયાઈ વિસ્તારમાં કોસ્ટગાર્ડ છેલ્લા બે દિવસથી બાજનજર રાખી માછીમારોને કિનારે આવવા સૂચના આપી રહ્યું છે.

કોસ્ટગાર્ડનું મીની એરક્રાફટ તેમ જ બોટ સતત પેટ્રોલિંગ કરી માછીમારોને વાવાઝોડા સામે સાવધાન રહેવા માઈક ઉપર જાહેરાત કરી રહ્યા છે. તો, જિલ્લાની મત્સ્યોદ્યોગ કચેરી દ્વારા માછીમારોને પરત આવવા સૂચના આપી અને નવા ટોકન બંધ કરી દેવાયા છે.

અત્યાર સુધીમાં ૧૯૪ પૈકી ૧૩૫ માછીમારી બોટ કિનારે આવી ગઈ છે. બાકીની ૫૯ બોટને પણ કિનારે આવી જવા તાકીદ કરાઈ છે. દરમ્યાન પ્રભારી સચિવ અને કલેકટર દ્વારા સમીક્ષા બેઠક અંતર્ગત જરૂરત પડ્યે માછીમારોનું સ્થળાંતર કરવાની પૂર્વ તૈયારીઓ અંગે પણ તૈયારી વિશે પણ ચર્ચા થઈ ચૂકી છે.

(1:08 pm IST)
  • સુ. શ્રી ઇન્દુ જૈન, ટાઇમ્સ ઓફ ઈન્ડિયાના ગ્રુપ ચેરમેનનું દુઃખદ નિધન : તેઓ એક અસાધારણ સ્ત્રી અને ઉદ્યોગસાહસિક હતા, જે આધ્યાત્મિકતામાં ખૂબ રસ ધરાવતા એકદમ અનોખા વ્યક્તિ હતા : ૐ શાંતિ... access_time 10:29 pm IST

  • રાજકોટમાં ૪૧ ડિગ્રી : તાપ સાથે ૧૬ કિ.મી.ની ઝડપે ગરમ પવન પણ ફુંકાઇ રહયા છે બે-ત્રણ દિવસથી ગરમીમાં આંશિક ઘટાડા બાદ આજે થોડો વધારો થયો છે. access_time 3:36 pm IST

  • "સ્પુટનિક-૫" નો પરતી ડોઝનો ભાવ જાહેર થયો: રૂ. ૯૯૫.૪૦ રશિયાથી આવેલી કોરોનાની વેક્સીન "સ્પુટનિક-૫" આવતા સપ્તાહથી ભારતમાં રૂ. ૯૯૫.૪૦ ના ભાવથી મળશે. જુલાઈ મહિનામાં આ રસીનું ઉત્પાદન ભારતમાં શરૂ થશે પછી તેની કિંમતમાં ઘટાડો થશે તેમ જાણવા મળે છે.* access_time 12:52 pm IST