Gujarati News

Gujarati News

News of Tuesday, 14th May 2019

ખીજડીયાની ૧૩ વર્ષની સંજના પરમાર પર ટ્રેકટરનું વ્હીલ ફરી વળતાં મોત

કૌટુંબીક કાકા વિનુભાઇ સાથે કુવાડવાથી હટાણુ કરી પરત આવતી વેળાએ બનાવ : ટ્રેકટરનો પાછળનો ભાગ અથડાતાં બાઇક પરથી પડી ગયા બાદ વ્હીલ ફરી ગયું

રાજકોટ તા. ૧૪: કુવાડવા રોડ પર સાત હનુમાન નજીક આવેલા ખીજડીયા ગામે રહેતાં પરમાર (દલિત) પરિવારની ૧૩ વર્ષની દિકરીનું ટ્રેકટરની ઠોકરે મોત નિપજતાં પરિવારમાં ગમગીની છવાઇ ગઇ છે.

જાણવા મળ્યા મુજબ ખીજડીયા રહેતી સંજના રમેશભાઇ પરમાર (ઉ.૧૩) ગઇકાલે સાંજે કોૈટુંબીક કાકા વિનુભાઇ અમરાભાઇ પરમાર (ઉ.૩૦) સાથે તેના બાઇકમાં બેસી કુવાડવા ખરીદી કરવા ગઇ હતી. બંને પરત ખીજડીયા આવી રહ્યા હતાં ત્યારે જીયાણાના  પાટીયા પાસે બાઇકની બંને સાઇડમાંથી એક એક ટ્રેકટર નીકળતાં વિનુભાઇએ પોતાનું બાઇક ઉભુ રાખી દીધુ હતું. એ વખતે એક ટ્રેકટરની ટ્રોલીનો છેડો પાછળ બેઠેલી સંજના સાથે અથડાતાં તેણી બાઇક પરથી પટકાઇ ગઇ હતી અને બાદમાં તેના માથે ટ્રેકટરનું વ્હીલ ફરી જતાં ગંભીર ઇજા થતાં સારવાર માટે રાજકોટ સિવિલ હોસ્પિટલમાં ખસેડાઇ હતી.

પરંતુ અહિ તેનું મોત નિપજ્યું હતું. હોસ્પિટલ ચોકીના એએસઆઇ જગુભા ઝાલા અને રાજદિપસિંહે કુવાડવા રોડ પોલીસને જાણ કરી હતી. મૃત્યુ પામનાર સંજના બે બહેન અને એક ભાઇમાં મોટી હતી અને ધોરણ-૭માં ભણતી હતી. તેના પિતા રમેશભાઇ જીવણભાઇ છુટક મજૂરી કરી ગુજરાન ચલાવે છે.

(3:39 pm IST)
  • વડોદરાના પોલીસ કર્મી વિરુદ્ધ જોઈન્ટ સીપીએ કર્યો આદેશ: જી.બી.પરમારે ફેસબુક માં કરી પોતાની પોસ્ટ ડીલીટ: કોન્સ્ટેબલે સોશિયલ મિડિયામાં લખ્યું હતું હું જૂનાગઢ હોત તો ખબર પડત : જોઈન્ટ સીપી દ્વારા કોન્સ્ટેબલની બદલી કરી નાખવામાં આવી access_time 8:11 pm IST

  • મમતા બેનર્જીના ચૂંટણી પ્રચાર પર પ્રતિબંધ મુકવા ભાજપની માંગણી :દિલ્હીમાં ભાજપના પ્રતિનિધિ મંડળે ચૂંટણી આયોગ સમક્ષ રજુઆત કરી ;ભાજપે આક્ષેપ કર્યો કે મમતા બેનર્જીએ ભાજપને નિશાન બનાવવા હિંસામાં સહભાગી થયા છે :તેણીએ ટીએમસીના કાર્યકરોને હુમલો કરવા ઉશ્કેર્યા હતા access_time 1:27 am IST

  • ચોમાસા પહેલા પ્રિ-મોન્સુન એકશન પ્લાન અંગે આવતીકાલે બેઠકઃ મુખ્ય સચિવના અધ્યક્ષ સ્થાને ગાંધીનગર ખાતે યોજાશે બેઠકઃ એનડીઆરએફ સહિતની ડિફેન્સ એજન્સીઓ, આરોગ્ય સિંચાઇ સહિતના વિભાગોના અધિકારી રહેશે હાજરઃ પુરની પરિસ્થિતને પહોંચી વળવા થશે ચર્ચા access_time 11:22 am IST